TM BALITA

JUN. 01-12

HEADLINES

GO HERMIE MEDICAL AND DENTAL OUTREACH MISSION MAGPADAYON NGADTO SA MGA KABARANGAYAN

BAG-ONG SCHOOL SITE SA DIWAT NATIONAL HIGH SCHOOL HINGPIT NANG MAGAMIT

OZAMIZ NAHIMONG HOST CITY SA GIPAHIGAYON NGA 9^TH PHILIPPINE ASSOCIATION OF LOCAL GOVERNMENT ACCOUNTANTS ANNUAL NATIONAL CONFERENCE

KAGAMHANANG LOKAL SA DAKBAYAN SA OZAMIZ MIPAKITA UG DAKUNG SUPORTA SA GIPAHIGAYONG PHALGA CONFERENCE

SPES CULMINATION ACTIVITY GIPALUYOHAN SA PANGAGAMHANANG PROBINSYAL SA MISAMIS OCCIDENTAL

AUSTRALIAN AID MIPALAPAD PA SA ILANG AYUDA SA MGA IP COMMUNITY UG PAGKONSERBAR SA TINUBDAN SA KINABUHI SA KABUKIRAN UG KADAGATAN

==

DETALYE:

GO HERMIE MEDICAL AND DENTAL OUTREACH MISSION MAGPADAYON NGADTU SA MGA KABARANGAYAN

Sama sa gipanaad ni Governor Hermie Ramiro, magpadayon ang Medical ang Dental Outreach Mission ngadto sa mga kabarangayan sa probinsya sa Misamis Occidental.

Isip usa ka Nurse by Profession, duol sa dughan sa gobernadora ang pag-silbi sa mga masakiton ug sa mga tawong nag-kinahanglan ug medical nga atensyon.

Nasayran nga ang Medical and Dental Outreach Mission ang gihimo na sa gobernadora kaniadtong kongresista pa kini sa ikaduhang distrito sa Misamis Occidental.

Ang maong gimbuhaton  iyang gipadayon hangtud karon diin ang 490 ka mga Barangay sa Misamis Occidental ang maka-benepisyo niini.

Sugod karung Hunyo 7, ipahigayon sa gobernadora ang Medical and Dental Outreach Mission sa mga barangay sakop sa Ciudad sa Oroquieta partikular na sa Barangay Victoria, Tuyabang Alto, Sinote ug Binuangan.

Hunyo 8 sa Barangay Upper Lamac, Villaflor, Bunga Ug Toliyok.

Hunyo 14 sa Barangay Upper Rizal, Lower Rizal, Burgos ug Clarin Settlement.

Hunyo 15 sa Barangay Tipan, Paypayan, Tuyabang Bajo ug Dulapo.

Hunyo 21 sa Barangay Pines, San Vicente Bajo, San Vicente Alto ug Talairon.  Hunyo 22 sa Barangay Upper Langcangan, Lower Langcangan.

Hunyo 28 sa Barangay Buntawan, Dolipos Bajo, Dolipos Alto Ug Dullan Norte. Hunyo 29 sa Barangay Tuyabang Proper, Ciriaco Pastrano, Poblacion 1 ug Poblacion 2.

Karung bulan sa Hulyo, laing barangay na usab sa Dakbayan sa Oroquieta ang makapahimulos sa Medical and Dental Outreach Mission.

Kini mao ang Barangay Bolibol, Dullan Sur, Buenavista ug Barangay Apil sa Hulyo 6.

Sa Hulyo 12 ipahigayon ang maong misyon sa Barangay Lower Loboc, Upper Loboc, Canubay ug Lower Lamac. Hulyo 13 sa Barangay Layawan ug Barangay Mobod.

Nasayran ang pagpatuman sa mga programa alang sa maayong panglawas ang usa sa gihatagan ug dakung prioridad ni Governor Hermie Ramiro dinhi sa Probinsya sa Misamis Occidental.

Atol usab sa Medical and Dental Outreach Mission, adunay pila ka mga barangay ang nakadawat usab sa ilang tag-50 Mil Pesos nga Financial Assistance gikan ni Governor Ramiro.

==

BAG-ONG SCHOOL SITE SA DIWAT NATIONAL HIGH SCHOOL HINGPIT NANG MAGAMIT

Hingpit na nga gibalhin ang Diwat National High School sa ba-ong lokasyon niini sa Barangay Tusik, Bonifacio, Misamis Occidental.

Ang maong pagbalhin sa maong tunghaan subay sa rekomendasyon sa Geohazards Mapping and Assessment Team sa Mines and Geosciences Bureau Regional Office 10 ngadto sa Department of Education.

Nasayran nga ang Diwat National High School ang unang nahimutang Sitio Diwat, Barangay Buenavista sa lungsod sa Bonifacio nga matud pa delikadong dapit alang sa mga estudyante ug mga magtutudlo panahon sa kalamidad.

Bisan sa kahinay sa pagtay-og dala sa linog, kalit nga modahili ang yuta ug mangligid ang mga dagkong bato gikan sa ibabaw nga bahin padulong ngadto sa mga lawak tunghaan.

Mismo si Governor Hermie Ramiro ang nakakita sa sitwasyon sa maong tunghaan hinungdan nga gipagawas gilayon niini ang 200 Mil Pesos nga inisyal nga assistance alang sa dinalian nga pag-relocate sa maong tunghaan.

Karung adlaw’ng Lunes, Hunyo 4, ipahigayon ang Opening, Cutting of Ribbon ug Blessing alang sa mga bag-ong lawak tunghaan sa mga estudyante.

Gikalipay sa mga ginikanan ang gihimong dinalian nga pagbalhin sa lokasyon sa maong tunghaan tungod kay napapas na ang ilang kabalaka sa posibleng dangtan sa ilang mga anak panahon nga adunay kalamidad nga mo-igo sa kanhi lokasyon sa Diwat National High School.

==

OZAMIZ NAHIMONG HOST CITY SA GIPAHIGAYON NGA 9^TH PHILIPPINE ASSOCIATION OF LOCAL GOVERNMENT ACCOUNTANTS ANNUAL NATIONAL CONFERENCE

Gitambongan ni Governor Hermie Ramiro ang gipahigayong 9^th Philippine Association of Local Government Accountants Annual Conference nga gipahigayon sa Dakbayan sa Ozamiz.

Ang lima (5) ka adlaw nga konperensya ang gitambongan sa mga accountants nga gikan sa nagkalain-laing dapit sa nasud nga nagdala sa tema nga “PHALGA: Making Difference at 9”.

Gipadangat ni Governor Hermie Ramiro ang iyang kalipay sa pagpili sa dakbayan sa ozamiz nga nahimong venue sa maong okasyon.

Daku ang pagtuo sa Gobernadora nga adunay maayong resulta ang nasangpit nga panagtagbo diin gipangunahan kini sa nga si Mrs. Cynthia ferraren, ang accountant sa lokal nga pangagamhanan sa Dakbayan sa Ozamiz.

Gawas niini, gikalipay usab sa gobernadora ang gipakitang suporta sa lokal nga pangagamhanan sa Dakbayan sa Ozamiz sa pag-panguna ni Mayor Nova Princess Parojinog-Echavez uban ni Abc President Aldong Parojinog Sr. sa maong konperensya.

Atol sa maong okasyon, gidayeg ni Governor Ramiro ang nahimong tabang sa mga accountants sa tanang local government units nga matud pa maoy katambayayong sa pamunuan alang sa kalampusan sa tanang programa ug kalihukan ilabi na sa financial management.

Gipadayag usab sa gobernadora ang iyang mga kasinatian kauban ang mga accountants sa dihang kongresista pa kini sa ikaduhang distrito sa Misamis Occidental.

Nasayran nga si Gobernador Hermie Ramiro ang nahimong chairman sa Committee on Accounts sa dihang miyembro pa kini sa House of Representatives.// matud pa niya, nga iyang kaabag ang mga accountants sa pag-plastar sa mga bulohaton ilabi sa natad sa panalapi.

Sumala pa sa gobernadora nga dili sayon ang trabaho sa mga accountants ilabi na sa pag-plastar sa panudlanan sa lokal nga pangagamhanan apan tungod sa ilang kahibalo, kahanas ug dedikasyon sa pag-serbisyo sa katawhan sa ilang dapit ilang nahimo ang angay nga gimbuhaton arun sa pag-balanse sa panudlanan sa goyerno diin gihimong basehan sa gobernadora ang iyang mga kasinatian.

Kalabot niini, gipasalamatan ni Governor Ramiro ang mga accountants sa ilang suporta sa lokal nga pangagamhanan nga ilang gisakupan.

Gi-awhag usab niini ang tanang sakop sa phalga nga magkahiusa arun makab-ot ang tinguha sa maayong pangagamhanan ang gitawag nga transparency, efficiency ug Fairness alang sa tanang mga pilipino.

==

KAGAMHANANG LOKAL SA DAKBAYAN SA OZAMIZ MIPAKITA UG DAKUNG SUPORTA SA GIPAHIGAYONG PHALGA CONFERENCE

Hugtanong gipadayag ni Mayor Nova Princess Parojinog-Echavez nga ang dakbayan sa Ozamiz ang napilian sa mga Accountants sa tibuok nasud alang sa ilang 9^th Annual National Conference.

Sa maong okasyon, nakuha ni Mayor Echavez ang kahigayonan aron makuha ang panghuna-huna sa mga bisita kung unsa ang ilang huna-huna kabahin sa Ozamiz dungan sa pag-pasabot sa mga balita ug panghitabo diin malambigit kanunay ang pangalan sa grupo nga Kuratong Baleleng.

Sa mensahe ni Mayor Nova Princess Parojinog-Echavez atubangan sa libuang miyembro sa PHALGA kon Philippine Association of Local Government Accountants gipadayag niini nga usa ka dakung hagit alang sa lokal nga pangagamhanan sa dakbayan sa Ozamiz ang pagkupot sa maong kalihukan diin gitambongan kini sa mga delegado gikan sa nagkalain-laing local nga pangagamhanan sa tibuok nasud.

Dili ikalimod matod nga adunay mga dautang balita diin gilambigit ang pangalan sa Dakbayan sa Ozamiz nga maoy nakadaot sa imahe niini nga nahimong kahadlok sa pipila sa pagbisita sa dakbayan.

Apan bisan pa man niini, dayag nga napakita sa mga Ozamiznon nga tinuoray nga sitwasyon sa Ozamiz ingon man sa tibuok Probinsya sa Misamis Occidental.

Gihingusgan ni Mayor Echavez nga malinawon ang dakbayan luyo sa mga balita nga gipakuyanap sa pipila ka mga individual.

Gisiguro ni Mayor Echavez nga aduna pay daghang mga kalihukang national nga ipahigayon sa dakbayan sa Ozamiz diin nagpamatuod lamang nga hapsay ug malinawon ang dakbayan.

==

SPES CULMINATION ACTIVITY GIPALUYOHAN SA PANGAGAMHANANG PROBINSYAL SA MISAMIS OCCIDENTAL

Gipaluyohan sa pangagamhanang probinsyal sa Misamis Occidental ang gipahigayong Culmination Activity sa mga kabatan-onan nga benepisyaryo sa spes kon Special Program for Employment of Students niadtong nakalabay’ng adlaw.

Ang maong kalihukan ang gitambongan sa pipila ka mga Board Members aron sa pag-pakita usab sa ilang suporta.

Nasayran nga ang mga estudyante nga benepisyaryo sa SPES ang nagpahigayon ug Summer Job sa nagkalain-laing buhatan sa Provincial Capitol, Oroquieta City sulod sa 20 ka adlaw.

Usa si Provincial Peso Manager Luz Buaquiña ang nahimong mamumulong sa maong okasyon diin gipadayag niini ang pasalamat ngadtu kang Governor Hermie Ramiro tungod bisan sa pag-ubos sa IRA kon Internal Revenue Allotment sa probinsya nagahinan gihapon niini ang programa alang sa mga kabatan-onan nga benepisyaryo sa SPES.

Karung tuiga, ang pondo sa SPES mikabat na lamang ug 700 Mil Pesos gikan sa 800 Mil Pesos niadtong nakalabay’ng tuig.

Ang mga SPES beneficiary ang gikan sa dakbayan sa Oroquieta, Ozamiz, Bonifacio, Concepcion, Jimenez, Sapang Dalaga, Baliangao, Lopez Jaena, Aloran Ug sa uban pang mga lungsod sa Probinsya sa Misamis Occidental.

Nasayran nga mikabat sa 700 nga mga SPES Beneficiaries ang nakapahigayon ug Summer Jobs subay sa nasangpit nga programa sa pangagamhanang probinsyal sa Misamis Occidental inabagan sa Provincial Employment Services Office kon peso.

==

AUSTRALIAN AID MIPALAPAD PA SA ILANG AYUDA SA MGA IP COMMUNITY UG PAGKONSERBAR SA TINUBDAN SA KINABUHI SA KABUKIRAN UG KADAGATAN

Usa ka Communities and Documenting Knowledge on Biodiversity Conservation Training ang gipahigayon sa usa sa mga sangang buhatan sa AUSAID, ang Worldfish dinhi sa probinsya sa Misamis Occidental bag-ohay pa lamang.

Katuyuan sa nasangpit nga training nga kahatagan sa dokumentasyon ang mga kahibalo o talento sa mga kaigsoonang subanen o mga indigenous people nga anaa sa mga Cultural Communities sa tibook probinsya Sa Misamis Occidental aron mas mapasayon ang paghatag kanila sa mga panginabuhian o livelihood programs nga ha-om sa ilang mga abilidad ug sa ilang komunidad.

Nasayran nga Ridge to Reef kon gikan sa kabukiran hangtod sa kabaybayunan ang implementasyon  sa mga livelihood projects  sa worldfish diha sa komunidad sa mga subanen sa tibook probinsya, sama na lamang sa mga Livestocks, Marine and Aqua-Culture Livelihood Projects.

Ang maong mga proyekto ang nagtumong usab sa pagprotehir sa kinaiyahan nga maoy tinubdan sa tanang kalse sa panginabuhian.

Dugang nasayran nga nahimong kapartner sa implementasyon sa mga proyekto sa worldfish dinhi sa Misamsi Occidental ang probinsyal nga buhatan sa Department of Science and Technology kon DOST.

Gipasabot  ni Ferdinand Soliven ang Provincial Director sa DOST ug kasamatangang field consultant sa worldfish, nga usa usab sa mga dakong katuyuan sa mga proyekto sa world fish nga kaayudahan ang pagpanginabuhi sa mga managat kon fisherfolks ug sa mga mag-uuma, aron dili na sila mohimo sa mga panginabuhian nga makaguba sa kadagatan o sa kabukiran.

==

TM BALITA

MAY 31-12

HEADLINES

MISAMIS OCCIDENTAL USA NA SA MGA GIILANG NAG-UNA NGA TOURIST DESTINATION SA PILIPINAS

PROVINCIAL DISASTER RISK REDUCTION MANAGEMENT COUNCIL NAGPAHIGAYON UG SUNOD-SUNOD NGA PANAGTAGBO

KALAHI-CIDSS PROJECT LAUNCHING AND MOA SIGNING GIPANGUNAHAN NI GOVERNOR RAMIRO

DUHA KA LUNGSOD SA MISAMIS OCCIDENTAL BENEPISYARYO NA USAB SA DSWD-KALAHI-CIDSS PROJECT

PAS’UNGKO SIG FESTIVAL KARONG BULAN SA NOBYEMBRE GIPANGANDAMAN NA SA DEPARTMENT OF TRADE AND INDUSTRY

NEGOSYO NGA MILAMBO SA MISAMIS OCCIDENTAL MIDAGHAN NA SUBAY SA MONITORING SA DEPARTMENT OF TRADE AND INDUSTRY

==

DETALYE:

MISAMIS OCCIDENTAL USA NA SA MGA GIILANG NAG-UNA NGA TOURIST DESTINATION SA PILIPINAS

Daku ang kompiyansa sa mga foreign tourists ug mga local tourists sa pagbisita sa mga giilang tourist destinations dinhi sa Probinsya sa Misamis Occidental.

Kini human masayran nga usa ang probinsya sa Misamis Occidental sa mga nag-unang dapit sa nasud  sa natad sa tourists arrival niadtong nakalabay’ng tuig.

Nasayran nga daghang mga investors ang nag-plano sa pagtukod ug negosyo sa usa ka lugar diin gihimong basehan niini ang statistics sa tourists arrivals sa usa ka lugar.

Kung daku o taas ang statistics sa tourist arrivals, daku usab ang posibilidad sa ilang pagbobo ug negosyo sa usa ka dapit.

Dili pa lamang dugay, gilunsad sa konseho isip Tourist Destination sa probinsya sa Misamis Occidental ang Sapang Dalaga Falls o mas naila nga Baga Falls nga nahimutang sa lungsod sa Sapang Dalaga, Misamis Occidental.

Nakit-an usab nga usa ka dakung tabang sa pag-palambo sa ekonomiya ug panarbaho ang pagsaka sa statistika sa tourists arrival dinhi sa Probinsya.

Dugang negosyo ug dugang trabaho alang sa mga misamisnon.

==

PROVINCIAL DISASTER RISK REDUCTION MANAGEMENT COUNCIL NAGPAHIGAYON UG SUNOD-SUNOD NGA PANAGTAGBO

Gihingusgan sa pangagamhanang probinsyal sa Misamis Occidental sa pag-panguna ni Governor Hermie Ramiro nga mapalig-on ang mga kalihukan sa Provincial Disaster Risk Reduction Management Council pinaagi sa pag-pahigayon ug mga panagtagbo aron mapangandaman ang mga posibleng panghitabo karong panahon sa ting-ulan.

Ang maong panagtagbo ang gitambongan sa mga sakop sa PDRRMC gikan sa katorse (14) ka mga Lungsod ug tulo (3) ka mga Ciudad sakop ning Probinsya.

Ang maong kalihukan ang gipangunahan ni Gain Paul De Barras, Executive Officer sa PDRRMC sa Misamis Occidental.

Ubay-ubay nga mga hisgotan ang gihatagan ug dalan sa maong panagtagbo sama sa Planning, Preparations, Trainings, Fundings, Activities ug daghang uban pa.

Usa usab sa gihisgotan  ang pag-kolekta sa mga data nga gipangayo ni Governor Hermie Ramiro diin sunod semana mopadulong sa dakbayan sa sugbo ang mga sakop sa Provincial Disaster Risk Reduction Management Council  alang sa ipahigayon nga planning.

Ang maong plano ang himoong basehan sa paglikay unya  sa posibleng kalamidad nga mahitabo dinhi sa Probinsya.

Ang mga Local Government Units ning Probinsya ang aduna nay mga planong lakang aron paglikay sa posibleng kalamidad ug kadaot nga mahitabo sa ilang area of responsibility.

Nasayran nga gipangandaman usab sa konseho ang mga ipahigayong aktibidad karung bulan sa Hulyo dungan sa kasaulogan sa Disaster Consciousness Month diin hugtanong kining gihatagan ug suporta ni Governor Hermie Ramiro ang maong kalihukan.

Subay sa statistics, ang baha maoy nag-una nga kalamidad nga kanunay masinatian sa probinsya sa Misamis Occidental.

Nasayran nga niadtong unang quarter ning tuiga, pipila ka mga lungsod sa probinsya ang nakasinati ug pagbaha diin ubay-ubay nga mga katawhan, umahan ug panginabuhian ang naapektohan.

Samtang gikonsidera nga less hazard mao ang linog.

Gipahayag ni De Barras nga ang pag-pangandam sa posibleng kalamidad ang angay nga hisgutan sugod sa panimalay.

==

KALAHI-CIDSS PROJECT LAUNCHING AND MOA SIGNING GIPANGUNAHAN NI GOVERNOR RAMIRO

Gipangunahan ni Governor Hermie Ramiro ang paglunsad sa mga proyekto sa KALAHI-CIDSS ug pagpirma sa Memorandum ug Agreement uban ni DSWD Regional Director Atty. Araceli Solamillo ug KALAHI-CIDSS Regional Director Aldersey Dela Cruz.

Nasayran nga duha ka munisipalidad ang benepisyaryo sa KALAHI-CIDSS Project dinhi Misamis Occidental karong tuiga.

Kini mao ang munisipalidad sa Panaon ug Calamba.

Ang maong kalihukan gipahigayon Provincial Capitol sa Oroquieta City nga gitambongan usab nila Mayor Miriam Paylaga sa lungsod sa Panaon ug Mayor Luisito Villanueva Jr. sa lungsod sa CALAMBa.

Unang nahimong benepisyaryo sa KALAHI-CIDSS Project niadtong mga nakalabay nga mga katuigan mao ang lungsod sa Bonifacio, Lopez Jaena ug Sinacaban.

Ang lungsod sa Panaon makadawat ug 7.2 Million Pesos ug samtang ang lungsod sa Calamba ang makadawat ug 8,550,000 Pesos.

Nasayran nga ang maong proyekto sa KALAHI-CIDSS ang gipailalom usab sa counterparting scheme diin ang Local Government Units nga benepisyaryo sa maong proyekto ang gilauman nga mobobo usab ug pondo alang sa katigayonan niini.

Ang lungsod sa Panaon ug Calamba gilauman nga mohatag sa ilang bahin nga mokabat ngadto sa dos (2) hangtud Tres Milyones (3) pesos.

Kalabot niini, tulobagon na sa Department of Social Welfare and Development Regional Office ang pag-pahigayon ug mga trainings alang sa pag-atiman sa nasangpit nga mga proyekto.

Sama sa Training on Infrastructures ug TRAININGs on Financial Side diin tutokan ang pag-canvass, pag-preparar ug mga proposals ug daghang uban pa.

Gisiguro ni DSWD Regional Director Solamillo nga ang mga nag-unang gikinahanglan sa mga barangay ang prioridad nga mabobo-an ug pundo.

Sulod sa walo ka bulan, gilauman sa DSWD-KALAHI-CIDSS nga ila nang madawat ang project proposals gikan sa mga kabarangayan gikan sa duha ka mga lungsod nga benepisyaryo niini.

==

DUHA KA LUNGSOD SA MISAMIS OCCIDENTAL BENEPISYARYO NA USAB SA DSWD-KALAHI-CIDSS PROJECT

Gikalipay ni Governor Hermie Ramiro sa pag-angkon na usab sa Misamis Occidental partikular na sa duha ka mga lungsod sa mga proyekto nga gi-pundohan sa KALAHI-CIDSS.//

Kalabot niini, gipasalamatan ni Governor Hermie Ramiro ang Rehiyonal nga buhatan sa Department of Social Welfare and Development sa paningkamot nga subling makahimo ug mga proyekto sa mga lungsod ug barangay sa Misamis Occidental.//

Kahinumduman nga niadtong nakalabay’ng tuig gipahigayon ang pagpili sa mahimong benepisyaryo sa KALAHI-CIDSS Project nga gihimo didto sa dakbayan sa Pagadian nga gipaagi sa “bunot-bunot system” diin ang lungsod sa Panaon ug Calamba ang nahulbotan ni Governor Ramiro.//

Human sa taas kaayo nga proseso una maangkon ang pondo alang sa mga proyekto gikan sa KALAHI-CIDSS, malampuson nga napahigayon ang MOA Signing niadtong nakalabay’ng adlaw.

Bisan pa man nga nag-problema ang mga benepisyaryong lungsod sa ilang i-counterpart nga pundo, positibo si Governor Ramiro nga matigayon ang maong proyekto pinaagi usab sa tabang ni Congressman George Almonte.//

Gawas niini, gipasalamatan usab ni Governor Ramiro ang DSWD sa uban pang mga programa nga gipatuman niini dinhi sa probinsya diin ubay-ubay nga mga kabus ang naka-benepisyo niini.

Kini sama na lamang sa 4P’s kon Pantawid Pamilyang Pilipino Program, Sea-K ug daghang uban pa.

===

PAS’UNGKO SIG FESTIVAL KARONG BULAN SA NOBYEMBRE GIPANGANDAMAN NA SA DEPARTMENT OF TRADE AND INDUSTRY

Hugot nga gipangandaman karun sa Department of Trade and Industry Provincial Office sa pag-panguna ni DTI Provincial Director Delia Ayano ang ika-tulo ka tuig nga Pas’ungko S’g Festival karong bulan sa Nobyembre dungan sa kasaulogan sa ika-83^rd nga annibersaryo sa probinsya sa Misamis Occidental.//

Atol sa maong kasaulogan, pangunahan sa department of trade and industry ang ipahigayong trade fair diin ipakita sa mga lokal nga negosyante ang ilang mga produkto.//

====

UBAY-UBAY NA NGA NEGOSYO ANG MILAMBO DINHI SA MISAMIS OCCIDENTAL BASE SA MONITORING SA DTI

Mapasigarbuhon nga gipahibalo ni DTI Provincial Director Delia Ayano nga daghan na nga mga gagmay’ng negosyo nga milambo dinhi sa probinsya sa Misamis Occidental.

Kini subay sa gihimong monitoring sa Department of Trade and Industry.//

Ang maong paglambo ang naangkon sa mga negosyante subay usab sa suporta nga gihimo sa maong buhatan ingon man sa suporta ni Gobernador Hermie Ramiro sa industriya sa negosyo ug turismo.

Kalabot niini, andam ang mga negosyante sa probinsya alang sa ipahigayong Marketing Event atol sa Zamboanga Peninsula Business Conference karong bulan sa Hulyo kasamtangang tuig sa dakbayan sa Oroquieta.

Nasayran nga ang Oroquieta Chamber of Commerce and Industry ang host sa ipahigayong 8^th ZAMPEN Business Conference nga tambongan usab sa mga inilang negosyante sa tibuok nasud.

Gisiguro ni Provincial Director Ayano nga sertipikado sa BFAD kon Bureau of Food and Drugs Administration ang mga produkto nga ginama dinhi sa Misamis Occidental.//

Ang pagtabang sa dti sa mga negosyante sa probinsya diin katabang usab niini ang pangagamhanang probinsyal sa Misamis Occidental pinasubay sa mga programa ni governor hermie ramiro nga GO HERMIE Program diin gipaningkamotan niini nga mapalambo ang negosyo ingon man ang turismo.//

==