TM  BALITA

OCTOBER 18, 2012

HEADLINES

SCHOOLS DIVISION SA OROQUIETA CITY ADUNA NAY BAG-ONG HAN-AY SA MGA DISTRICT SUPERVISORS UG MGA SCHOOL HEADS

1^ST INUG-OG TRADE EXPO GIPAHIGAYON SA DAKBAYAN SA OROQUIETA ATOL SA FIESTA CELEBRATION

CONTINGENT SA MISAMIS OCCIDENTAL SCIENCE AND TECHNOLOGY HIGH SCHOOL KAMPIYON SA INUG-OG FESTIVAL 2012 SA OROQUIETA CITY

WALK FOR A CAUSE ATOL SA IKA-11 NGA ANIBERSARYO SA STAND, GISALMOTAN SA KAPIN SA LIBO KA MGA PARTISIPANTE

===

DETALYE

SCHOOLS DIVISION SA OROQUIETA CITY ADUNA NAY BAG-ONG HAN-AY SA MGA DISTRICT SUPERVISORS UG MGA SCHOOL HEADS

DUNGAN SA PAGPAHIMOTANG SA MGA BAG-ONG TEACHING FORCE, SCHOOL HEADS, DISTRICT SUPERVISORS LABINA ANG BAG-ONG MIALAGAD NGA SCHOOLS DIVISION SUPERINTENDENT NGA SI DR. AGUSTINES CEPE, GILUSAD USAB ANG DUHA KA MGA BAG-ONG NADUGANG NGA DISTRITO SA OROQUIETA CITY DIVISION OFFICE.

GIHIMO ANG PROKLAMASYON SA BAG-ONG GIPANGPAHIMOTANG NGA MGA TEACHING FORCE UG MGA BAG-ONG DEPED PERSONNEL SA MAONG DIVISION ATOL SA GIPAHIGAYON NGA PROGRAMA SA PINES ELEMENTARY SCHOOL, BAG-OHAY PA LAMANG.

GIPADAYAG SA BAG-ONG SCHOOLS DIVISION SUPERINTENDENT, DR. AGUSTINES CEPE NGA ANG PAGDUGANG OG DUHA KA DISTRITO SA MAONG DIVISION GUMIKAN KAY GIKINAHANGLAN NA KINI PAG-AYO SA MAONG KOMUNIDAD BUNGA SA PAGTAAS SA ENROLLMENT MATAG TUIG.

GIPASALAMATAN USAB NIYA ANG DALING PAGTUBAG SA REHIYONAL NGA BUHATAN SA DEPARTMENT OF EDUCATION, REGION-10, KALABOT SA PAGMUGNA OG DUGANG DISTRITO ARON SA TUYO NGA MAKASUNOD GAYUD ANG DIVISION SA GIKINAHANGLANG REKISITOS ALANG SA DEKALIDAD NGA EDUKASYON NGA GIKINAHANGLAN USAB PAG-AYO SA MGA KABATAANG NAGTUNGHA.

NANGHINAOT ANG BAG-ONG SUPERINTENDENT NGA SUNDON UG BUHATON ANG TAHAS SA AHENSYA NGADTO KANILA ALANG SA MAAYONG KAUGMAON SA MGA BATANG PILIPINHON.

====

1^ST INUG-OG TRADE EXPO GIPAHIGAYON SA DAKBAYAN SA OROQUIETA ATOL SA FIESTA CELEBRATION

GIHUGAPAN  SA KATAWHAN  ANG USA  KA   SEMANA NGA PAGPAHIGAYON SA   1^ST  INUG-OG TRADE  EXPO SA DAKBAYAN  SA  OROQUIETA,  DIIN UBAY-UBAY  SA  MGA NEGOSYANTE  ANG  MI DISPLAY  SA ILANG  MGA  BALIGYA  UG  MIHATAG SA ILANG  SERBISYO NGADTO  SA KATAWHAN DIDTO  SA  TOWN  CENTER INGON  MAN SA  MAY DAPIT  NGA  BAHIN  SA  OROQUIETA  CITY  PLAZA  NAGAPAHIGAYON  USAB ANG MGA NEGOSYANTE  SA  PAG DISPLAY  SA  ILANG MGA  BALIGYA.

LAKIP  SA  MI- APIL  SA  MAONG  KALIHUKAN  MAO ANG OROQUIETA  AGRO  INDISTRIAL  SCHOOL  KON OAIS  NGA  MIDISPLAY  USAB  SA  ILANG  MGA  LOCAL PRODUCTS  UG NAGAHATAG  USAB  SA  ILANG MASSAGE  SERVICES UBAN  SA  SUPERVISION SA  TESDA  PROVINCIAL OFFICE  PINAAGI NI  PROVINCIAL  DIRECTOR  LEO  VELEZ UBAN  SA  IYANG MGA STAFF  NGA  MISUPORTA  SA  NASANGPIT  NGA  KALIHUKAN,  DIDITO  USAB  ANG MGA NAGKALAIN-LAING  MGA NAILA NANG  MGA  LOCAL  PRODUCTS  SA  NAGKALAIN-LAING  LUNGSOD  UG  SYUDAD  SA  TIBUOK  PROBINSYA  SA  MISAMIS  OCCIDENTAL,  SAMA  SA MGACOOKIES,  BAGS,  FRESH  MILK, MGA  ORNAMENTAL PLANTS,  CAKES,  AGRICULTURAL PRODUCTS  UG   DAGHAN  PANG  UBAN.

GIPAHAYAG  NI  MS. HELEN MADLOS  ANG  TRAINOR SA   MASSAGE  THERAPHY SA  OAIS NGA  ANDAM  ANG  ILANG MGA  THERAPHISTS SA  PAGHATAG SA  ILANG  SERBISYO PINAAGI SA MASAHE,  FOOTS SPA, BEAUTY CARE  UG  DAGHAN  PANG UBAN.

GIPASABOT   USAB  NI  MRS.  PONIC,  ANG  PRESIDENTE SA  ORGANISASYON  SA  MGA  MASAHISTA NGA PWEDI  USAB  SILA MOHATAG  UG HOME  SERVICES  ALANG  NIADTONG BUOT  MO AVAIL  SA  ILANG  SERBISYO  SA  BARATO  LAMANG NGA  BALAYRONON.

====

WALK FOR A CAUSE ATOL SA IKA-11 NGA ANIBERSARYO SA STAND, GISALMOTAN SA KAPIN SA LIBO KA MGA PARTISIPANTE

GISALMOTAN SA KAPIN SA LIBO KA MGA PARTISIPANTE GIKAN SA MGA NAGKALAIN-LAING TUNGHAAN UG BUHATAN SA PROBINSYA ANG GIPAHIGAYONG WALK FOR A CAUSE ACTIVITY SA STAND KON STRATEGIC ALLIANCE FOR NETWORKING ON DISABILITY NGA NAGDALA SA TEMA NGA MAKAHULUGANONG LAKAW PARA SA KATAWHANG BALDADO ATOL SA PAGSAULOG SA STAND SA IKA-ONSE KA ANIBERSARYO SA KAMUGNAAN SA NASANGPIT NGA KAHUGPUNGAN SA MGA MISAMISNONG BALDADO SA TIBOOK PROBINSYA SA MISAMIS OCCIDENTAL, NIADTONG MILABAYNG ADLAWNG SABADO OKTUBRE 13 NING TUIG 2012.

SAYO SA BUNTAG NGA NAGTAPOK UG NAGSUGOD SA PAGLAKAW ANG MGA PARTISIPANTE GIKAN SA MAY BARANGAY VILLAFLOR PAINGON NGADTO SA CAPITOL GROUND ALANG SA USA KA HAMUBONG PROGRAMA.

ANG NASANGPIT NGA MGA PARTISIPANTE ANG GILANGKUBAN SA KAPOLISAN SA PROVINCIAL POLICE OFFICE UG SA OROQUIETA CITY POLICE STATION, MGA TINUN-AN GIKAN SA MGA TUNGHAAN SA OROQUIETA CITY SAMA SA STELLA MARIS COLLEGE, MUST, MISAMIS UNIVERSITY, C-LAN, MGA KAWANI SA RED CROSS, MGA EMPLEYADO SA KAPITOLYO, MOSART UG MGA SPECIAL CHILDREN NGA MIEMBRO SA STAND NGA GIKAN SA MGA NAGKALAIN-LAING MUNISIPALIDAD.

KATUYUAN SA NASANGPIT NGA KALIHUKAN NGA MAPAKITA SA KATAWHANG BALDADO NADTO SA KATWHANG NORMAL NGA BISAN PA MAN SA ILANG MGA KAPANSANAN ADUNA USAB SILA DAKONG KATUNGOD SA PAGPAKABUHI SAMA SA MGA NORMAL NGA INDIBIDWAL UG ARON IPAKITA ANG ILANG MGA KAPASIDAD UG KATUNGOD SA PAGPAKIGLAMBIGIT SA BISAN UNSANG KALIHUKAN SA KOMUNIDAD NGA MAKAHATAG SA KALAMBOAN.

SUBAY NIINI, DAKO ANG KALIPAY SA MGA KADAGKOAN SA KAHUGPUNGAN SA STAND UG SA MGA TAGDUMALA SA MISAMIS OCCIDENTAL PROVINCIAL MEDICAL REHABILITATYION CENTER KON MOPMRC SA GIPAKITANG SUPORTA SA KATAWHAN NGADTO SA KAHUGPUNGAN SA KATAWHANG BALDADO SA TIBOOK PROBINSYA PINAAGI SA PAGSALMOT SA GIPAHIGAYONG WALK FOR A CAUSE ACTIVITY SA STAND NGA GIPASIUGDAHAN SA MOPMRC UG SA PROBINSYAL NGA PANGAGAMHANAN NI GOVERNOR HERMIE RAMIRO.

===

CONTINGENT SA MISAMIS OCCIDENTAL SCIENCE AND TECHNOLOGY HIGH SCHOOL KAMPIYON SA INUG-OG FESTIVAL 2012 SA OROQUIETA CITY

ANG MISAMIS OCCIDENTAL GIHAPON ANG GIDEKLARANG KAMPIYON SA GIPAHIGAYON NGA INUG-OG FESTIVAL 2012 SA DAKBAYAN SA OROQUIETA BAG-OHAY PA LAMANG.

KINI HUMAN NAKUHA SA MAONG CONTINGENT ANG PINAKADAGKO NGA MGA CRITERIA NGA NAGLANGKOB SA BEST IN STREET DANCING, BEST IN COSTUME UG BEST IN PROPS.

SECOND PLACE ANG MOBOD INTEGRATED SCHOOL UG THIRD PLACE ANG MISAMIS OCCIDENTAL NATIONAL HIGH SCHOOL UG NAKUHA USAB SA OROQUIETA CITY NATIONAL HIGH SCHOOL.

NIINING TUIGA, UNOM LAMANG KA MGA CONTINGENT ANG MISALMOT SA INUG-OG FESTIVAL NGA GILANGKOBAN SA MGA PUBLIC HIGH SCHOOL UG ADUNAY USA KA COLLEGE.

KINI ANG MISAMIS OCCIDENTAL NATIONAL HIGH SCHOOL, MISAMIS OCCIDENTAL SCIENCE AND TECHNOLOGY HIGH SCHOOL, TALAIRON NATIONAL HIGH SCHOOL, MOBOD INTEGRATED SCHOOL, OROQUIETA CITY NATIONAL HIGH SCHOOL UG DR. SOLOMON U. MOLINA COLLEGE.

ANG INUG-OG FESTIVAL, USA LAMANG KINI SA MGA PROGRAMA ATOL SA KASAULOGAN SA KAPISTAHAN SA DAKBAYAN SA OROQUIETA, OKTOBRE 16.

====

TM BALITA

OCT. 15-12

HEADLINES

ASOSASYON SA MGA SENIOR CITIZEN SA DAKBAYAN SA OZAMIZ MITAPOS SA SENIOR CITIZENS WEEK

AKTIBONG PARTISIPASYON SA MGA SENIOR CITIZEN SA OZAMIZ CITY GIKALIPAY PAG-AYO NI MAYOR NOVA PRINCESS PAROJINOG-ECHAVEZ

BM INOCENCIO PAGALARAN, JR NAKADAYEG SA GIPAKITANG KADASIG SA MGA SENIOR CITIZEN SA DAKBAYAN SA OZAMIZ

KABARANGAYAN SA TIBUOK PROBINSYA SA MISAMIS OCCIDENTAL MIALAYON SA PAGSAULOG SA NASUDNON NGA BARANGAY ASSEMBLY DAY CELEBRATION

RIVER FLOOD CONTROL PROJECT NGA GIPUNDOHAN SA KAGAMHANANG PROBINSYAL SA BRGY. TABOC NORTE, OROQUIETA CITY PAGASUGDAN NA

LOCAL GOVERNMENT UG BARANGAY DAY DUNGAN NGA GISELEBRAR SA KAGAMHANANG LOKAL SA LUNGSOD SA LOPEZ JAENA

==

DETALYE:

ASOSASYON SA MGA SENIOR CITIZEN SA DAKBAYAN SA OZAMIZ MITAPOS SA SENIOR CITIZENS WEEK

LAING MABULOKON NA USAB NGA TUIG ANG 2012 LABINA SA KAHUGPONGAN SA MGA SENIOR CITIZEN SA DAKBAYAN SA OZAMIZ.

KINI HUMAN NAGMALAMPUSON ANG SERYE SA MGA KALIHUKAN ATOL SA PILA KA ADLAW NGA PAGPAHIGAYON SA SENIOR CITIZENS MONTH SA TIBUOK NASUD NIINING BULANA.

SA DAKBAYAN SA OZAMIZ, ATOL SA ILANG SELEBRASYON, NAGKADAIYANG MGA PROGRAMA ANG ILANG GIHIMO NGA KOMPLETO GAYUNG GIAPILAN SA MGA MIEMBRO SA ASOSASYON SA MAONG SYUDAD.

USA NA NIINI ANG SPORTS COMPETITION, LITERARY AND CULTURAL SHOW UG ANG PAGKORONA SA NAHIMONG QUEEN AND PRINCESS NIINING TUIGA, ATOL SA GIPAHIGAYONG CULMINATION PROGRAM SA USA KA SIMANA NGA MGA KALIHUKAN.

ANG ASOSASYON SA MGA SENIOR CITIZEN SA DAKBAYAN SA OZAMIZ, GIPANGULOHAN USAB KINI SA ABTIK NGA PRESIDENTE UG AKTIBO USAB SA HAWANAN SA KONSEHO SA MAONG SYUDAD NGA THREE TERMER CITY COUNCILOR CECILIA MABANAG.

SYA NAGKANAYON NGA DAKO ANG IYANG PASALAMAT SA KAGAMHANANG LOKAL SA SYUDAD PINGULOHAN SA BATAN-ONG MAYOR NOVA PRINCESS PAROJINOG-ECHAVEZ NGA KANUNAY’NG GAYUNG NAGSUPORTA SA ILANG KAHUGPONGAN.

IYANG GIPASALIG NGA BISAN WALA NA SIYA SA KONSEHO, IYA GIHAPONG IPADAYON ANG PAGSUPORTA SA ILANG ASOSASYON.

KAHINUMDUMAN NGA SA DUHA KA TERMINO NGA PAGPANGALAGAD NI MABANAG ISIP USA SA MGA MIEMBRO SA KONSEHO NGA NAGDALA SA KOMETIBA SA MGA SENIOR CITIZEN, DAGHAN GAYUD SIYA NGA MGA ORDINANSA UG MGA PROGRAMA NGA NAGTUMONG SA PAGTABANG SA MGA SENIOR CITIZEN UG SA MGA PERSONS WITH DISABILITY.

USA NA NIINI, ANG PAGBUTANG OG PATHWAY O AGI-ANAN SA MGA KAEGSUONAN NGA NAKA-WELL CHAIRS UG ANG PAGBUTANG OG MGA FOOT MASSAGE LABINA SA BOULEVARD ALANG SA MGA HIKERS NGA MOABOT SA MAONG DAPIT.

==

AKTIBONG PARTISIPASYON SA MGA SENIOR CITIZEN SA OZAMIZ CITY GIKALIPAY PAG-AYO NI MAYOR NOVA PRINCESS PAROJINOG-ECHAVEZ

GIKALIPAY PAG-AYO NI OZAMIZ CITY MAYOR NOVA PRINCESS PAROJINOG-ECHAVEZ NGA TALIWALA SA ILANG PANGIDARON UG SITWASYON, AKTIBO UG SADYA GIHAPON ANG MGA LOLA UG LOLO NGA MIPARTISIPAR SA MATAG TUIG NGA SELEBRASYON, NGA MAO ANG SENIOR CITIZENS WEEK.

NAGKANAYON ANG BATAN-ONG MAYOR NGA SUKAD PA NGA MAYOR PA ANG IYANG AMAHAN NGA SI FORMER MAYOR REYNALDO “ALDONG” PAROJINOG, SR., MADASIGON NA GAYUD KINING NAGSUPORTA SA KAHUGPONGAN SA MGA SENIOR CITIZEN SA SYUDAD UG HANGTUD NGA SIYA NA ANG NAGDALA KARON SA RENDA SA PANGAGAMHANAN SA SYUDAD, IYA PA KINING GIPADAYON.

GANI HANGTUD KARON, NAGPADAYON PA ANG FINANCIAL ASSISTANCE SA MGA SENIOR CITIZEN NGA MOTALIWAN NA.

GAWAS MAONG FINANCIAL ASSISTANCE, NAGAHATAG USAB SIYA OG MGA PAHALIPAY, LABINA SA INGON NIINI NGA KALIHUKAN UG CHRISTMAS CELEBRATION.

DUGANG PA SA MAYORA NGA BISAN SA KADAGHANG GIATIMAN NIYA SA SYUDAD ISIP HEPE EHEKUTIBO, DILI GAYUD NIYA MAHIMONG HIKALIMTAN ANG MGA SENIOR CITIZEN GUMIKAN KAY DILI MAINGON NIINI ANG KAHIMTANG SA MGA BATAN-ON KARON KON WALA PA ANG PARTISIPASYON SA MGA TIGULANG.

==

BM INOCENCIO PAGALARAN, JR NAKADAYEG SA GIPAKITANG KADASIG SA MGA SENIOR CITIZEN SA DAKBAYAN SA OZAMIZ

BISAN SI FIRST DISTRICT BOARD MEMBER INOCENCIO PAGALARAN, JR., NAKADAYEG SA KADAGHAN UG KADASIG SA MGA MIEMBRO NGA MITAMBONG SA SERYE SA MGA KALIHUKAN SA ASOSASYON SA MGA SENIOR CITIZEN SA DAKBAYAN SA OZAMIZ, LABINA SA CULMINATION PROGRAM SA SENIOR CITIZENS WEEK 2012.

NAGKANAYON ANG BOARD MEMBER NGA ANG GIPAKITA NILANG KAAKTIBO KARON, INDIKASYON KINI NGA KANIADTONG PANAHON PA SA ILANG KABATAN-ON, AKTIBO USAB SILA SA MGA TULOMANON, DILI LAMANG SA ILANG TAGSA-TAGSA KA PAMILYA APAN LAKIP NA USAB SA GIMBUHATON SA KOMUNIDAD.

NANGHINAOT USAB SIYA NGA MAGPADAYON ANG MGA PROGRAMA SA KAHUGPONGAN SA MGA SENIOR CITIZEN SA DAKBAYAN SA OZAMIZ. UG UNTA SAMA USAB NIINI KAAKTIBO ANG MGA SENIOR CITIZEN SA UBANG MGA LUNGSOD UG SYUDAD SA PROBINSYA.

ISIP SAKOP SA SANGGUNIANG PANLALAWIGAN SA KAGAMHANANG PROBINSYAL SA MISAMIS OCCIDENTAL, DAGHAN USAB SIYANG NASUPORTAHAN NGA MGA PROGRAMA NGA MAGAHATAG PA OG DUGANG KAAYOHAN SA MGA SENIOR CITIZEN SA TIBUOK PROBINSYA.

SI BOARD MEMBER, ATTY. INOCENCIO PAGALARAN, JR., MAOY NAHIMONG REPRESENTANTE NI GOVERNOR HERMIE RAMIRO ATOL SA MAONG OKASYON.

==

KABARANGAYAN SA TIBUOK PROBINSYA SA MISAMIS OCCIDENTAL MIALAYON SA PAGSAULOG SA NASUDNON NGA BARANGAY ASSEMBLY DAY CELEBRATION

MALAMPUSONG GIPAHIGAYON SA KABARANGAYAN SA TIBOOK PROBINSYA SA MISAMIS OCCIDENTAL UG SA KABARANGAYAN TIBOOK NASUD SA PILIPINAS ANG  NATIONWIDE BARANGAY ASSEMBLY DAY NIADTONG MILABAYNG ADLAWNG DOMINGGO OCTOBRE 14, 2012.

KINI NGA KALIHUKAN MAOY ISIP TUBAG SA KABARANGAYN SA TIBOOK NASUD SA MANDATO SA DEPARTMENT OF THE INTERIOR AND LOCAL GOVERNMENT KON DILG SA MGA BARANGAY OFFICIALS SA PAGPAHIGAYON SA BARANGAY ASSEMBLY SA ILANG MATAG BARANGAY  SUMALA SA NAKATAKDANG ADLAW  BASE SA GIPAGAWAS NGA PROKLAMASYON NI PRESIDENT BENIGNO AQUINO III NGA PROCLAMATION NUMBER 260, NGA PINITSAHAN NIADTONG SEPTIEMBRE 30, TUIG 2011 UBAN SA DILG MEMORANDUM CIRCULAR NUMBER 2012 -156 NGA PINITSAHAN NIADTONG SEPTIEMBRE 18, NING TUIG 2012.

KATUYUAN SA NASANGPIT NGA KALIHUKAN NGA ADUNA GAYOY NAKATAKDANG ADLAW SUMALA SA BALAOD NGA MAKAPAHIGAYON GAYOD ANG USA KA BARANGAY SA  ASSEMBLY MEETING ALANG SA USA KA DIALOGUE TALI SA MGA OPISYALES SA BARANGAY UG SA KATAWHAN KABAHIN SA MGA NAGKADAIYANG ISYU, MGA CONCERNS NGA NAKAAPEKTAR O MAKAAPEKTAR SA BARANGAY, SAMA SA PEACE AND ORDER SITUATION, DISASTER PREPAREDNESS, SOLID WASTE MANAGEMENT AND CLEAN UP ACTIVITIES UG UBAN PA.

LAING KATUYUAN USAB NIINI NGA KALIHUKAN ARON MAHATAGAN SA KAHIGAYUNAN ANG MGA OPISYALES SA BARANGAY SA PAGPRESENTA SA ILANG MGA NAHIMO KON ACCOMPLISHMENTS REPORTS, FINANCIAL REPORTS AND UPDATES UG UBAN PANG MGA PROGRAMA  SULOD SA ILANG PAGDUMALA SA BARANGAY PINAAGI SA USA KA STATE OF THE BARANGAY ADDRESS KON SOBA.

===

RIVER FLOOD CONTROL PROJECT NGA PUNDO GIKAN SA KAGAMHANANG PROBINSYAL SA BRGY. TABOC NORTE, OROQUIETA CITY PAGASUGDAN NA

DAKO ANG PASALAMAT NI BARANGAY KAPITAN BOLLENO UG SA KATAWHAN SA BARANGAY TABOC NORTE SA PAGHATAG OG PINANSYAL NGA AYUDA NI GOVERNOR HERMIE RAMIRO SA KANTIDAD NGA USA KA MILYON KA PESOS ALANG SA REHABILITASYON SA FLOOD CONTROL SA ILANG BARANGAY NGA DUGAY GIKAPROBLEMA SA BARANGAY.

GIBUTYAG NI  KAPITAN BOLLENO NGA DAKONG SULIRAN UG GIKABALAKA SA KATAWHAN ANG PAGKAGUBA SA FLOOD CONTROL SA ILANG BARANGAY SANGLIT  SA MATAG HIGAYON NGA MAGBAHA ANG LAYAWAN RIVER MURESULTA KINI SA PAGLANAP SA TUBIG SA KABALAYAN SA IYANG BARANGAY.

UG SA PANAHON USAB NGA TAAS ANG TUBIG SA  DAGAT UG MUKUSOG ANG BALOD MORESULTA KINI SA PAGKAGUBA SA KABALAYAN SA MGA RESIDENTE NGA ANAA MAHIMUTANG SA DAPLIN SA BAYBAY.

SA PAGKAKARON GISUGDAN NA SA PAGREHABILITAR ANG NASANGPIT NGA FLOOD CONTROL PROJECT PINAAGI SA 1 MILYON PESOS NGA GIHATAG NI GOVERNOR RAMIRO.

UG MALAUMON ANG KATAWHAN SA MAONG BARANGAY UBAN SA ILANG MGA OPISYALES NGA MAHATAGAN SA HINGPIT NGA PAGKAAYO ANG MAONG FLOOD CONTROL ARON MAHATAGAN NA SILA SA SEGURIDAD GIKAN SA KALAMIDAD.

 LOCAL GOVERNMENT UG BARANGAY DAY DUNGAN NGA GISELEBRAR SA KAGAMHANANG LOKAL SA LUNGSOD SA LOPEZ JAENA

GISELEBRAR SA MGA OPISYALES SA LUNGSOD UG SA MGA BARANGAY SA LUNGSOD SA LOPEZ JAENA ANG LOCAL GOVERNMENT DAY AND BARANGAY OFFICIALS DAY CELEBRATION NIADTONG MILABAYNG ADLAWNG MIERKOLES OKTUBRE 10 NING TUIG 2012, NGA GIPAHIGAYON SA MAY AZCUNA BEACH RESORT SA MAONG LUNGSOD.

NGA BISAN SA PAGDAKLIT-DAKLIT SA PAGBUNDAK ULAN APAN DASIG GAYOD NGA MITAMBONG ANG MGA BARANGAY OFFICIALS SA 28 KA MGA BARANGAY BISAN PAMAN NIADTONG BUKIRANG KABARANGAYAN SA NASANGPIT NGA LUNGSOD.

HIGHLIGHTS SA MAONG SELEBRASYON MAO ANG SALO-SALO UG  MGA PARLOR GAMES NGA NAKAPALINGAW GAYOD SA MGA BARANGAY OFFICIALS..

KINI NGA KALIHUKAN GIHIMO ISIP PAGHATAG OG KAHIGAYONAN SA MGA OPISYALES SA LUNGSOD UG BARANGAY SA PAGLINGAWLINGAW UG PAGHIMAMATAY SA USAG-USA UG USAB PAGHATAG OG PASIDUNGOG SA DAKONG KONTRIBUSYON SA KALAMBOAN  DIHA SA LUNGSOD UG PROBINSYA.

GAWAS SA MGA LOCAL GOVERNMENT OFFICALS UG MGA BARANGAY OFFICIALS NGA MITAMBONG SA MAONG SELEBRASYON, GITAMBONGAN USAB KINI SA MGA OPISYALES USAB SA PROBINSYA, SAMA NILA NI BOARD MEMBER UG VICE-GOVERNATORIAL CANDIDATE INOCENCIO “SINCERE” PAGALARAN, UBAN NILA NI  BOARD MEMBER ZALDY DAMINAR, BOARD MEMBER LOVELY LIEZL YAPE, BOARD MEMBER EDILMA BULAWIN NGA SUSAMANG MAGPAPILI PAG-USAB SA PAGKABOARD MEMBER SA DISTRITO UNO.

ALL OUT SUPPORT USAB NGA MITAMBONG ANG INAHAN SA TANANG BARANGAY KAPITAN SA PROBINSYA KON PROVINCIAL FEDERATED ABC PRESIDENT UG KASAMTANGANG EX-OFOCIO BOARD MEMBER SA SANGGUNIANG PANLALAWIGAN UG USAB VICE-GOVERNATORIAL CANDIDATE NGA SI BOARD MEMBER AURORA VIRGINIA ’JIEJIE” ALMONTE, NGA ISIP INAHAN SA TANANG KAPITANES MAINITON KINING MIPADAYAG SA IYANG DAKONG PASIDUNGOG UG MAPADAYUNONG  PAGPAKIGHIUSA UG PAGSUPORTA SA MGA KALIHUKAN UG PROGRAMA ALANG SA DUGANG KALAMBOAN PA SA KABARANGAYAN SA TIBOOK PROBINSYA.

SAMTANG, USA KA PAGSALUDO USAB SA SERBISYO SA MGA OPISYALES SA BARANGAY ANG GIPAABOT NI GOVERNOR HERMIE RAMIRO NGADTO SA MAONG OKASYON PINAAGI SA IYANG REPRESENTANTE NGA SI BOARD MEMBER SINCERE PAGALARAN, NGA SUMALA PA  SA MENSAHE SA GOVERNADORA NGA DAKO ANG IYANG PASALAMAT SA PAGSUPORTA SA MGA OPISYALES SA BARANGAY SA IYANG MGA PROGRAMA SA GO HERMIE, UBAN SA PANGAHINAOT NGA MAGPADAYON ANG NASANGPIT NGA SUPORTA ALANG SA DUGANG PANG MGA KALAMBOAN SA KABARANGAYAN.

==