TM BALITA
DEC. 14-11
HEADLINES
MGA EMPLIYADO SA KAPITOLYO NANGANDAM NA ALANG SA SERYE SA MGA CHRISTMAS PARTY
KAGAMHANANG PROBINSYAL NAGPAHIMANGNO SA TIBUOK KATAWHAN SA PROBINSYA NGA DOBLEHON ANG PAG-AMPING SA PAGSELEBRAR SA PASKO
MT. MALINDANG EAGLES CLUB MIPADAYAG SA ILANG MAINITON NGA PAGSUPORTA SA KAGAMHANANG PROBINSYAL PINAAGI SA MGA CHARITY PROGRAM
MGA OVERSEAS FILIPINO WORKERS NGA NAKAPAHIMULOS SA LIVELIHOOD PROGRAM SA OWWA UG DOLE SA MISAMIS OCCIDENTAL MAS MIDAGHAN PA
MGA EVALUATORS NGA MI-EVALUATE SA GO HERMIE ORGANIC VEGETABLES PRODUCTION MIDASIG SA KATAWHANG MISAMISNON SA PAGSUPORTA SA ORGANIC PROGRAM
GOVERNOR HERMIE RAMIRO GIPASIDUNGGAN SA MGA EVALUATORS BUNGA INISYATIBA SA GO HERMIE ORGANIC VEGETABLES PRODUCTION
==
DETALYE:
MGA EMPLIYADO SA KAPITOLYO NANGANDAM NA ALANG SA SERYE SA MGA CHRISTMAS PARTY
Gilauman nga adunay tulo ka hugna ang apilan nga mga party labina sa mga empliyado sa kapitolyo.
Kini naglangkob na sa ilang opisina mismo, division ug ang giatangan sa tanan apil na ang mga National Agency Mao ang General Party nga ipahigayon karong Disyembre 22 sa Cultural Center.
Gani ang mga buhatan nga ilalom sa pagdumala sa Provincial Government Office, usa na niini ang Tingog Misamisnon Channel, nakadawat og memorandum nga mangandam sa mga nagkadaiyang presentasyon alang sa mga nagkadaiyang kalingawan, sama sa parlor games, singing contest, exchanging gifts ug ang giatangan sa tanan ang lami-an nga mga pagkaon nga pangunahan ni Governor Herminia Ramiro.
Nasayran nga sa General Party, gilauman usab nga adunay daghang pakulo nga mapahimuslan sa mga empliyado nga mosaksi gayud sa party.
Kini naglangkob na sa raffle draw sa sinakong bugas humay ug ang grand raffle draw sa mga appliances ug daghan pang uban.
==
KAGAMHANANG PROBINSYAL NAGPAHIMANGNO SA TIBUOK KATAWHAN SA PROBINSYA NGA DOBLEHON ANG PAG-AMPING SA PAGSELEBRAR SA PASKO
Daghang mga sitwasyon ang bantayan labina nga ang Christmas Celebration, wala ug to-o ang imbitasyon sa mga pamilya ug kahigalaan.
Kini ang hinungdan nga concerned usab ang kagamhanang probinsyal nga kinahanglang magbinantayon.
Una sa panglawas, kinahanglan nga bantayan ang mga pagkaon nga paggakan-on labina niadtong mga kaegsuonan nga adunay mga balati-an, kinahanglan nga aduna gayu’y desiplina sa kaugalingon.
Ikaduha ang subrang pag-inom sa makahubog nga mga ilimnon kon diin motugyan usab kanato sa kadaotan, sama sa pagpasamot sa mga sakit nga gipangbati nang daan ug hamyang usab sa mga disgrasya sa kadalanan.
Ikatulo, tungod kay pasko lagi, labina niadtong adunay mga sapi, duna gayu’y kapasidad nga mopalit sa mga nagkadaiyang matang sa mga pabuto.
Kun’ mogamit og mga fire crackers atol sa pagselebrar sa pasko ug pagsugat sa bag-ong tuig, kinahanglan nga huna-hunaon gayud og una ang safety o kaluwasan sa kaugalingon ug ang kaluwasan usab sa mga kaigsuonan nga nagpalibot.
Subay sa mga kasinatian sa mga miaging pasko ug pagsugat sa bag-ong tuig, mas motaas ang rato sa mga sunog bunga sa saag nga mga pabuto.
Gipahinumduman usab ang mga kaegsuonan nga dili mogamit og mga armas atol sa pagsaulog sa pasko ug pagsugat sa bag-ong tuig.
==
MT. MALINDANG EAGLES CLUB MIPADAYAG SA ILANG MAINITON NGA PAGSUPORTA SA KAGAMHANANG PROBINSYAL PINAAGI SA MGA CHARITY PROGRAM
Naila na ang mt. Malindang eagles club pinaagi sa ilang mother organization, the fraternal order of eagles labina sa dakbayan sa ozamiz gumikan sa ilang mga kaayohan nga nahimo sa katawhan sa ozamiz sulod sa dugay na nga panahon.
Kini ang dakong hinungdan kun’ nganong duol sa dughan ni governor herminia ramiro ang grupo sa mt. Malindang eagles club gumikan kay kaabag niya ang grupo sa gitinguhang kalambo-an labina niadtong nagserbisyo pa ang gobernadora sa ikaduhang distrito sa misamis occidental.
Sa higayon nga adunay dakong panagtapok ang eagles, dili gayud malimtan sa grupo nga ilang imbitahon ang gobernadora, sama na lamang sa gipahigayon nga christmas party sa mt. Malindang eagles club.
Bunga sa ilang dugay na nga panag-uban sa kalambo-an, hugtanong mipadayag ang grupo nga magpabilin ug magpadayon ang grupo nga mosuporta sa mga kaayohan nga himuon ni gobernadora labina nga tibuok probinsya na ang gialagaran niini.
Kini nga mensahe, gipadayag ni kuya Wilfredo Pelare ang kasamtangang Presidente sa Mt. Malindang Eagles Club Ozamiz City, kuya Pito Apatan ang Presidente Sa Mother Club sa the Fraternal Order Of Eagles Ozamiz City Chapter ug gisuportahan usab ni kuya Jimmy Cabato, ang National Assemblyman sa the Fraternal Order Of Eagles.
MGA OVERSEAS FILIPINO WORKERS NGA NAKAPAHIMULOS SA LIVELIHOOD PROGRAM SA OWWA UG DOLE SA MISAMIS OCCIDENTAL MAS MIDAGHAN PA
Lain na usab nga grupo sa mga balik-pinay balik hanapbuhay beneficiaries ang nahatagan sa ayudang pangkabuhayan sama sa mga steamer ug uban pang mga kagamitan sa pagpangluto human sila gipaubos sa duha ka adlaw nga livelihood training partikulkarmente sa pagapangluto sa mga sud-an ug mga snacks niadtong milabayng semana.
Kahinumduman nga una nang nahatagan sa ayudang pangkabyuhayan ang 26 ka mga Balik-Pinay sa Probinsya sa Misamis Occidental niadtong milabayng bulan sa Agosto 24, 2011.
Subay niini, gibutyag ni Luz Buaquiña ang Peso Manager sa Probinsya sa Misamis Occidental nga dako kaayo ang pasalamat sa mga balik-pinay sa programa sa OWWA ug sa dole nga giabagan usab sa probinsyal nga pangagamhanan ni Governor Hermie Ramiro alang kanila sanglit dako kini og gikatabang sa ilang pagpanginabuhi.
Gidugang usab pagbutyag ni Buaquiña nga dako usab ang pasalamat sa kadagkoan sa buhatan sa OWWA ug sa DOLE ilabina sa mga nagdumala sa balik-pinay balik-hanapbuhay program sa suporta ug kooperasyon sa mga lideres sa tibook probinsya sa kalampusan sa nasangpit nga programa sanglit kini nga programa ang pinakaunang programa nga namugna sa tibook rehiyon og kini gumikan sa dakong suporta sa kadagkoan sa Probinsya sa Misamis Occidental nga nakatabang sa mga beneficiaries niiini nga mga Misamisnong Balik-Pinay.
MGA EVALUATORS NGA MI-EVALUATE SA GO HERMIE ORGANIC VEGETABLES PRODUCTION MIDASIG SA KATAWHANG MISAMISNON SA PAGSUPORTA SA ORGANIC PROGRAM
Nakadayeg ang mga GO HERMIE Organbic Vegetable Production Evalutors sa mga nakitang kadasig sa mga misamisnon nga misalmot sa GO HERMIE Organic Vegetables Production Competition sa pagmentinar, pag-atiman ug paggamit sa mga organikong pamaagi sa pagpananom sa mga nagkalain-laing utanon sa ilang mga garden.
Kahinumduman nga ang probinsyal nga pangagamhanan ni Governor Hermie Ramiro ang milusad sa usa ka Organic Vegetable Production Contest nga diin adunay tulo ka mga category, ang Household Category, Communal Category ug School Category nga diin daisg kining gisalmotan sa mga contender gikan sa 15 ka mga LGU sa tibook Probinsya sa Misamis Occidental.
Atol sa gipahigayong evaluation, dako ang kalipay sa mga evaluators sa ilang mga nakita ilabina gayod sa pagproduce sa matag contender sa mga organikong pang-abuno ug pestisidyo sama sa Vermie Culture, Composting, Fermentation, Nursery ug paghimo sa kaugalingong pagpundo sa mga binhi sa utanon ug sa ubang pang tanom alang sa sunod nilang cropping.
Sumala pa ni glenn janubas usa sa mga evaluators ug Regional Report Officer-Agri-Pinoy Gulayan sa Paaralan Program Region 10 nga dako ang iyang kalipay nga sa matag tunghaan nga misalmot sa nasangpit mga kompetisyon aduna na gayod kini kaugalingong seed bank, nagpamatuod nga andam nilang ipalahutay ang programa sa probinsyal nga pangagamhanan ang GO HERMIE Organic Vegetable Production ug ang Gulayan sa Paaralan Program.
Subay niini, midasig ug miawhag ang mga evaluators ngadto sa mga misamisnon sa pagapadayon sa paghimo sa mga garden ug sa paggamit sa mga organikong pamaagi sa pagpananom sanglit dako kini og ikatabang sa pagapalambo sa pagapalambo sa panginahanglanon ug panginabuhi sa matag pamilya.
Gidason usab ni Zeny Jamo, usa sa mga evaluatorsa ug Senior Agriculturist Crop Division Region 10, nga dili lang unta ang katawhan sa Probinsya sa Misamis Occidental ang moadopt sa Organic Farming kon dili mapalapnag pa unta kini sa tibook nasud aron makabaton sa kahimsog sa panglawas pinaagi sa pagakaon sa mga organikong pagkaon sama sa mga utanon ang matag pilipino ug matabangan usab ang kinaiyahan nga mapabalik ang kahimsog usab niini sama niadtong unang panhon.
Mipadayag usab sa iyang pagdasig sa katawhan si Binifacia Gado usa usab sa mga evaluators ug Vocational School Administor sa Oroquieta Agro-Industrial School sa pagsuporta sa mga programang pang-agrikultura sa probinsyal nga pangagamhanan ug sa Department of Agriculture alang sa kalamboan niini nga ikahatag ngadto sa katawhan ilabina ang malahutayon niining produksyon sa mga produktong pagkaon ug ang pagpahauli sa kinaiyahan dili lang dinhi sa probinsya sa Misamis Occidental kon dili sa tibook nasud.
GOVERNOR HERMIE RAMIRO GIPASIDUNGGAN SA MGA EVALUATORS BUNGA INISYATIBA SA GO HERMIE ORGANIC VEGETABLES PRODUCTION
Saludo ang mga evaluators sa implementasyon ni Goivernor Hermie Ramiro sa programa sa agrikultura pinaagi sa GO! HERMIE Organic Vegetables Production sanglit ilang nakita ang kadasig sa katawhang misamisnon sa pagsuporta niini.
Kini subay sa ilang nasaksihan atol sa ilang pagpahigayon sa GO HERMIE Organic Production Evaluation niadtong milabayng semana nga diin progresibo kaayo ang resulta niini.
Sumala pani Glenn Janubas usa sa mga evasluators nga dako ang ilang kalipay sa programa ug saludo sila ni Governor Hermie Ramiro sa paghimo sa GO HERMIE Organic Vegetables Production Program ug sa paghatag og dakong pagtagad niini sa mga programa sa agrikultura sanglit dakokaayo kini og ikatabang sa panginabuhi sa iyang katawhan nga mga mag-uuma sa tibookprobinsya.
Gidason usab ni Bonifacia Gado usa sa mga evaluators nga usa ka maayong programa ang gihimo ni Governor Hermie Ramiro nga angayan gayod ipadayon ug suportahan sa katawhang misamisnon aron mas malambo pa ug magmalahutayon alang sa kaayuhan dili lang sa katawhan kon dili ilabina gayod sa kinaiyahan nga maoy tinubdan sa panginabuhi sa mga mag-uuma.
Isip usa ka mag-uuma, Agriculturist ug Administador sa Agro -Trade School uban sa iyang mga kaubanang evaluators nga mga agriculturist usab iyang gipaabot ngadto sa gobernadora ang mainitong pasalig sa suporta sa adbokasiya sa iyang programa sa agrikultura uban sa pagdasig sa katawhang Misamisnon sa pagduyog sa pagsuporta sa mga programa sa buhatan sa Departmentof Agriculture ilabina sa Organic Farming.