TM BALITA
Nov. 21, 2011
HEADLINES:
EMPLOYEES NIGHT SADYANG GIPAHIGAYON SA MGA EMPLEYADO SA KAPITOLYO UBAN NI GOVERNOR HERMIE RAMIRO
OZAMIZ CITY CULTURAL DANCE TROUPE MIDALIT SA USA KA CULTURAL DANCE PRESENTATION ATOL SA PAGSAULOG SA 82ND PROVINCIAL CHARTER DAY UG PAS’UNGKO S’G MIS OCC 2011
UNITY AND HARMONY NGA GIPAKITA SA MGA LIDERES SA TIBOOK PROBINSYA ATOL SA PAGSAULOG SA MGA KALIHUKAN SA PAS’UNGKO S’G MIS OCC 2011, USA KA MAAYONG PANAG-INGNAN SA KATAWHANG MISAMISNON
MGA EXIBITORS SA TRADE EXPO 2011 MIPASALAMT NI GOVERNOR HERMIE RAMIRO
ABC DAY GIHUGUPAN SA MGA KAPITANES SA TIBOOK PROBINSYA
SOFT LAUNCHING SA TESDA SPECIALISTA TECHNOPRENUERSHIP PROGRAM GILUSAD SA BARANGAY MAMANGANG DAKU PALRIDEL, MISAMIS OCCIDENTAL
DETALYE:
PROVINCIAL EMPLOYEES NIGHT SADYANG GIPAHIGAYON SA MGA EMPLEYADO SA KAPITOLYO UBAN NI GOVERNOR HERMIE RAMIRO
Sadyang gisaulog sa mga empleyado sa kapitolyo ang Provincial Employees Night niadtong milabayng semana Adlawng Biernes Nobyembre 18, 2011.
Una niini, bibong gipahigayon sa mga empleyado ang Employees Fun Day nianang buntag nga diin daghang mga parlor games ang gidula sa mga empleyado isip paglingaw sa ilang mga kaugalingon.
Human niini, madasigong nangandam ang mga empleyado alang sa Employees Night nianang pagkagabii
Og nianang pagkagabii, sadya ang programa sa Employees Night gumikan sa mga pacontest nga gi-andam sa matag department cluster sama sa group Pop Dance Contest, Song Solo Contest ug Table Presentation Contest.
Gipahigayon usab ang awarding sa mga employees of the year sa matag departamento
Exciting usab ang mga empleyado sa gipahigayong raffle draw nga diin daghang mga prizes ang gipanghatag sama sa 50 ka sakong bugas nga tag 25 kilos matag sako, 50 ka grocery items worth 500, mga celphone units ug grocery items courtesy from Sun Cellular Company, tulo ka electric iron, tulo ka blender, stand fan, washing machine with dryer ug usa ka 5 cubic refrigerator.
Mas nakapabibo usab ang pagdalit sa mga ballad songs gikan sa especial guest nianang gabhiona nga gikan sa kauluhan nga si Anthony Castilo,usa ka ballader.
Ang pagpahigayon sa Employees Night maoy usa ka paghatag og higayon sa mga empleyado sa kapitolyo sa paglingaw-lingaw human sa ilang nga hectic nga trabaho
OZAMIS CITY CULTURAL DANCE TROUPE MIDALIT SA USA KA CULTURAL DANCE PRESENTATION ATOL SA PAGSAULOG SA 82ND PROVINCIAL CHARTER DAY UG PAS’UNGKO S’G MIS OCC 2011.
Ang pagsaulog sa Pas’ Ungko S’g Mis. Occ 2011 maoy usa ka paghandom, pagbuhi ug pagpalambo pagbalik sa kultura sa mga kaigsoonang subano nga diin maoy mga lumad nga nanimuyo dinhi sa probinsya sa Misamis Occidental niadtong unang panahon ug hangtod karon
Subay niini, isip pagbuhi sa mga kulturang lumad, midalit sa usa ka Cultural Dance Presentation ang bag ong Misamisnon Cultural Dance Troupe atol sa pagsaulog sa Pas’ungko S’g Mis Occ. 2011 alayon sa ika-82 ka anibersaryo sa pagkamugna sa Probinsya sa Misamis Occidental.
Atol sa maong presentation, gipakita sa mga mananayaw ang nagakadaiyang kultura o ritual sa mga lumad pinaagi sa pagsayaw, sama sa pagpangulitawo sa usa ka lalaking subano ngadto sa usa ka dalagang subana, pagpakasal, pagpabunyag, pag-abi-abi sa mga dayong bisita ug uban pa.
Pinaagi sa nasangpit nga Cultural Dance Presentation, nakita sa katawhang misamisnon ang kamabulukon ug kahalangdon sa mga kulturang lumad nga angayang hatagan sa respeto ug preserbasyon niini.
UNITY AND HARMONY NGA GIPAKITA SA MGA LIDERES SA TIBOOK PROBINSYA ATOL SA PAGSAULOG SA MGA KALIHUKAN SA PAS’UNGKO S’G MIS OCC 2011, USA KA MAAYONG PANAG-INGNAN SA KATAWHANG MISAMISNON
Nasaksihan sa katawhang misamisnon ang kalampusan sa matag programa nga
Gipahigayon atol sa 17 ka adlaw nga pagsaulog sa ika-82 ka anibersaryo sa probinsya sa misamis occidental ug sa Pas’ungko S’g Mis. Occ. 2011
Ang nasangpit nga kalampusan ang bunga sa kahiusahan sa tanang lideres sa matag syudad ug lungsod sa tibook probinsya diha sa pagsuporta sa mga kalihukan nga gialayon sa pas, ungko ug sa anibersaryo sa probinsya.
Kini nga kalampusan ang gikalipay pag-ayo ni Governor Hermie Ramiro ug sa iyang mga kaubang lideres sa probinsya
Subay niini, mipasigarbo si 1st District Congressman Jorge Almonte sa nasangpit nga kalampusan sa maong kasaulugan sa probinsya, gumikan sa panaghiusa nga gipakita sa mga nagdumala sa matag programa uban sa suporta sa mga lideres.
Sumala pa ni Congressman Almonte nga ang gipakitang kahiusahan sa mga lideres usa ka maayong panag-ingnan sa katawhang misamisnon nga gikinahanglan gayod ang bug-os nga panaghiusa aron makab-ot ang kalampusan nga gitinguha alang sa kalamboan dili lang sa matag misamisnon kon dili sa tibook Probinsya sa Misamis Occidental.
MGA EXIBITORS SA TRADE EXPO 2011 MIPASALAMT NI GOVERNOR HERMIE RAMIRO
Dako ang pagpasalamat sa mga first time exibitors sa Pas’ungko Trade Expo 2011 ngadto sa probinsyal nga pangagamhanan ni Governor Hermie Ramiro sa pagpahigayon sa nasangpit nga expo, sanglit nahatagan sila sa kahigayunan nga makadisplay sa ilang mga nagkalain-laing produkto nga gikan sa matag lungsod ug syudad.
Sumala pa sa exibitors sa kahayag development program incorporated nga si Jennifer Lago,usa sa mga fisrt time exibitors sa Pas’ungko Trade Fair nga dakong tabang alang sa ilang mga livelihood products gikan sa ilang mga livelihood programs ang gipahigayong expo, sanglit naexpossed o napaila nila ngadto sa katawhan ang ilang mga produkto sama sa peanut butter ug uban pa.
Nasayran nga ang kahayag development program incorporated ang gialayunan sa world vision foundation incorporated usa ka non-governmental institution nga misalmot sa trade expo nga diin midisplay sa ilang mga produkto nga hinimo sa ilang mga miembro mismo.
Subay niini, mipadayag si lago sa iyang mainitong pagpasalamta ngadto ni Governor Hermie Ramiro sa kahigayunan nga gihatag niini alang kanilang mga exibitors aron makadisplay ug mapaila ngadto sa katawhan ang ilang mga produkto.
Midason usab sa pagapasalamat si Archie Lara gikan sa Lola Luz Best Goodies sa Lungsod sa Jimenez nga usa usab sa mga fisrt timer exibitors sa Pas’Ungko Trade Expo 2011.
Sumala pa ni Lara nga mapasalamaton sila sa maayong accomodation nga gihatag kanila sa mga nagdumala sa expo sanglit nabati ug nakita nila ang paningkamot sa probinsyal nga pangagamhanan ni Governor Ramiro nga katabangan silang mga gagmayng magpapatigayon sa pagpalambo sa ilang mga ginagmayng produkto pinaagi sa trade fair sanglit napaila ngadto sa ubang katawhan ang ilang mga produkto.
Ang booth sa Lola Luz Best Goodies ang mipahigayon sa pagpatilaw sa ilang mga produkto sama sa Lolaluz Best Guinamos and Uyap ngadto sa mga mibisita sa ilang booth
ABC DAY GIHUGUPAN SA MGA KAPITANES SA TIBUOK PROBINSYA
Bug-os ang suporta sa mga kapitanes sa liga ng mga barangay, Misamis Occidental Chapter nga mihugop sa bag-ohay pa lamang gipahigayon nga Provincial Liga Congress sa Oroquieta Town Center ning Dakbayan sa Oroquieta niadtong adlaw nga Sabado, Nobyembre 19, 2011.
Nagmalampuson ang pagpahigayon sa ABC Congress nga nagdala sa temang “Tapat Na Palakad, Bayang Maunlad
Naghatag kadasig usab sa ABC Congress ang guest speakers sa maong okasyon, ang artista ug asawa ni Senator Bong Revilla nga si Congresswoman Lani Mercado Revilla, kinsa nag-alagad karon ingong Representative sa Second District sa Cavite ug ang National Liga President nga si Ricojudge Janvier Echiverri.
Presente usab ang mga lideres sa lalawigan nga gipangulohan ni Gobernador Hermie Ramiro, Bise Gobernador Henry Oaminal ug ABC President Aurora Virginia Almonte, ug pipila ka mgaopisyal gikan sa rehiyonal ug probinsyal nga buhatan sa Department of Interior and local Government kon DILG nga gipangunahan ni Director Loreto Baguani.
Usa ka photo session usab ang gipahigayon nga gisalmotan sa mga kapitanes nga naggikan sa 14 ka mga lungsod ug tulo ka mga Ciudad ning Probinsya
SOFT LAUNCHING SA TESDA SPECIALISTA TECHNOPRENEURSHIP PROGRAM GILUSAD SA BARANGAY mamanga daku plaridel, misamis occidental
Gipahigayon adlaw nga Biernes, Nobyembre 18, 2011 ang soft launching sa TESDA Specialista Technopreneurship Program sa Mamanga Daku Agrarian Reform Community (MADARC) Housing Village, Mamanga Daku, Plaridel, Misamis Occidental.
Sa katuyoan ug konsepto pagpatungha ug paghatag sa desenteng trabaho sulod sa komunidad, pag- ugmad sa teamwork ug sa pagpalambo sa kahanas sa mga tesda specialista alang sa paghatod ug serbisyo ug pag - organisar ug pagpalambo sa komunidad, presente sa maong launch ang nurturer sa maong programa nga si marichu tijing, si atty. Marlo bancoro kinsa mirepresenta kang 1st District Congressman Jorge Almonte, Mayor Agnes Villanueva, Municipal Mayor sa Plaridel, TESDA Provincial Director Leo Velez, mga Local Officials ug ang napulo ka mga TESDA Specialista.
Gituyo ang maong programa ingong enterprise development model sa mga komunidad sa tuyo nga matabangan ang mga Technical - Vocational kon Tech-Voc Graduates aron mas mahimong produktibo sa ilang mga paningkamot.
Gituyo usab ang maong programa aron makatagana ug mga skilled workers nga maoy motubag sa gikinahanglan serbisyo sa mga panimalay ug sa komunidad, usa ka employment strategy generation nga mapuslanon alang sa dugang panginabuhi-an ug tubag sa kakulang sa panarbaho.
Usa sa mga specialista sa TESDA si Jonathan Damuag kinsa na interview sa tingog misamisnon mipahayag sa iyang dakong pasalamat sa mga opisyal nga mipaluyo ug nangusog alang sa kalamposan sa maong programa.
Mipahayag usab sa iyang dakong pasalamat sa kalamposan sa maong launching si TESDA Provincial Director Leo Velez