TM BALITA
Nov. 18, 2011
HEADLINES:
MGA MASAHESTA NGA MIEMBRO SA STAND MIPASALAMAT NI GOVERNOR HERMIE RAMIRO
PROVINCIAL FUN DAY DASIG UG SADYANG GISAULOG SA MGA EMPLEYADO SA KAPITOLYO
NATIONAL SANITATION EVALUATION SA 2011 SEARCH FOR BEST BARANGAY IN BEST SANITATION PRACTICES GIPAHIGAYON NA SA BARANGAY BUNAWAN, CALAMBA, MISAMIS OCCIDENTAL
BARANGAY BUNAWAN, CALAMBA, MISAMIS OCCIDENTAL ADUNAY DAKONG POSIBILIDAD NGA MAMAHIMONG WINNER SA 2011 NATIONAL SEARCH FOR BEST BARANGAY FOR BEST SANITATION PRACTICES
BARANGAY KAPITAN RODOLFO PAGALARAN KAMPANTI NGA MAMAHIMONG NATIOANL WINNER ANG BARANGAY BUNAWAN SA SEARCH FOR BEST BARANGAY IN BEST SANITATION PRACTICE
PAGSUPORTA SA PROBINSYAL NGA PANGAGAMHANAN SA PROBINSYA SA MISAMIS OCCIDENTAL SA MGA PROGRAMA SA PANGLAWAS SA BARANGAY BUNAWAN UG SA TIBOOK PROBINSYA GIPASALAMATAN SA MGA DOH NATIONAL SANITATION EVALUATORS
DETALYE:
MGA MASAHESTA NGA MIEMBRO SA STAND MIPASALAMAT NI GOVERNOR HERMIE RAMIRO
Pinasahe nga atraksyon sa Trade Fair ang gihimo sa mga miembro sa kahugpungan sa STAND dinhi sa probinsya, sanglit dili delicacies, art crafts o agricultural products ang ilang gidisplay atol sa trade expo nga gipahigayon niadtong milabayng semana, alayon sa pagsaulog sa ika-82 ka anibersaryo sa probinsya sa Misamis Occidental.
Ang maong atraksyon mao ang usa ka serbisyong masahi nga ilang gipanganlag masahe sa parken nga diin usa ka Philippines New Life Therapeutic Massage ang gihatag nga serbisyo niini.
Ang masahe sa parke nga gihanyag sa mga miembro nga masahista sa STAND ang gihugupan sa mga misamisnong gustong mahupay ang mga gibating kakapoy o stress pinaagi sa pagpamasahe.
Subay niini, mapasalamaton ang mga masahestang miembro sa stand nga nahatagan sila sa kahigayunan nga makaapil sa Pas’ungko Trade Expo, sanglit mas napalapad pa ang ilang pagpanginabuhi ug nakakita na usab sila og bag-ong mga kliyente sa masahe.
Sumala pa ni Lucerio Silbano nga dako kaayo ang ilang pasalamat ngadto ni Governor Hermie Ramiro sa pagpahigayon og usa ka trade expo nga diin nakahatag og kahigayunan sa mga misamisnon nga mapaila ang ilang mga produkto ug serbisyo ngadto sa katawhan, sama sa serbisyo nga masahe nga ilang gihanyag sa mga misamisnon.
Gidugang pa ni Silbano nga dako ang ilang kalipay nga nakasalmot sila sa expo sanglit aduna nay mga kliyente nila nga gustong makigsuki sa pagpamasahe og gane aduna pay mihangyo kanila nga magahimo og usa ka regular nga pagpangmassage diha sa capitol park aron sa ingon mas sayon ra silang pangitaon o duolon.
PROVINCIAL FUN DAY DASIG UG SADYANG GISAULOG SA MGA EMPLEYADO SA KAPITOLYO
Alayon sa kasaulugan sa ika-82 ka anibersaryo sa probinsya sa Misamis Occidental, gipahigayon ang usa ka Provincial Fun Day sa tanang empleyado sa kapitolyo sa probinsya
Ang nasangpit nga Provincial Fun Day ang dasig ug sadyang gisaulog sa mga empleyado. Una niini gihimo ang usa ka opening salvo nga pagbuhi sa mga ballons nga gipangunahan sa mga department heads sa matag departamento sa kapitolyo ug sa mga government officials sa probinsya.
Human sa opening salvo gisunod ang kalingawan sa mga empleyado pinaagi sa mga nagkadaiyang parlor games nga gidula sa matag grupo sama sa lumba sa pagtuhog sa tanod ngadto sa dagom, holahop,
Ang provincial fun day ang gihimo sa provincial nga pangagamhanan ni Governor Hermie Ramiro Sa katuyuan nga kahatagan sa kahigayunan ang mga empleyado nga malingaw ug makabonding pa sa mga kaubang empleyado sa uban usab nga departamento sa kapitolyo.
NATIONAL EVALUATION SA 2011 SEARCH FOR BEST BARANGAY IN BEST SANITATION PRACTICES GIPAHIGAYON NA SA BARANGAY BUNAWAN, CALAMBA, MISAMIS OCCIDENTAL
Kulbahinam ang gibati sa katawhan sa Barangay Bunawan sa Lungsod sa Calamba, Misamis Occidental niadtong milabayng Adlawng Huebes Nobyembre 17, 2011 atol sa gipahigayong National Evaluation sa mga national evaluators sa ilang barangay kabahin sa sanitation practices.
Kahinumduman nga ang Barangay Bunawan ang nahimong representante sa Misamis Occidental ngadto sa national level nga competition kabahin sa 2011 Search for Best Barangay in Best Sanitation Practices, human sila nahimong mananaog sa 2011 search for best barangay in best sanitation practices regional level niadtong milabayng bulan sa octobre ning tuig 2011.
Doble ang gibati sa mga residente sa nasangpit nga barangay sa dihang mipahigayon na ang mga evaluators sa pagsusi sa ilang mga panimalay kon aduna ba kini na water sealed toilets, blind drainage, compost pit, compst heap ug uban pang sanitation activities sa matag panimalay.
Nakita sa mga panagway sa matag usa nga misaksi sa evaluation ang kaexcited ug kakulba tungod sa kahingawa nga basin aduna pay kulang sa ilang pagpangandam sa nasangpit nga evaluation nga kalit lang unyang ipangutana o pangitaon sa mga evaluators.
Apan ang maong kahingawa nahupay sa dihang mihatag na sa positibong resulta ang mga evaluators
BARANGAY BUNAWAN, CALAMBA, MISAMIS OCCIDENTAL ADUNAY DAKONG POSIBILIDAD NGA MAMAHIMONG WINNER SA 2011 NATIONAL SEARCH FOR BEST BARANGAY FOR BEST SANITATION PRACTICES
Adunay dakong posibilidad nga mamahimong national winner sa 2011 National Search for Best Barangay in Best Sanitation Practices ang Barangay Bunawan sa Lungsod sa Calamba nga diin maoy nahimong representante sa probinsya ngadto sa national level sa nasangpit nga competition.
Base sa mga positibong resulta nga gipadayag sa usa sa mga national evaluators nga mipahigayon sa national evaluation sa Barangay Bunawan, Calamba, Misamis Occidental niadtong Adlawng Huebes, Nobyembre 17, 2011 malaumon ang mga bunawanon nga ang ilang barangay ang mapiling winner sa maong national search.
Sumala pa ni Engineer Sonabel Anarna, ang team leader sa National Evaluation Team nga nakadayeg siya sa mga inubasyon ug inisyatibo nga gihimo sa mga opisyales ug sa katawhan sa Barangay Bunawan nga pagmentinar sa kalimpyo sa ilang matag panimalay ug sa barangay.
Gidugang pa ni Engineer Anarna nga iyang nakita ang maayong implementasyon sa mga ordinansa sa barangay kabahin sa proper sanitation ug ang maayong koordinasyon ug kooperasyon sa probinsyal ug lokal nga pangagamhanan, ilabina gayod sa katawhan tali sa mga programa, proyekto ug balaudnon nga gipatuman sa ilang barangay.
BARANGAY KAPITAN RODOLFO PAGALARAN KAMPANTI NGA MAMAHIMONG NATIOANL WINNER ANG BARANGAY BUNAWAN SA SEARCH FOR BEST BARANGAY IN BEST SANITATION PRACTICE
Higpit ang pagpangandam nga gihimo sa mga taga-Barangay Bunawan alang sa national evaluation sa sanitation sa ilang barangay, sanglit ang Barangay Bunawan ang nahimong representante sa Misamis occidental alang sa 2011 National Search for Best Barangay in Best Sanitation Practices.
Atol sa pagpahigayon sa evaluation sa mga national evaluators madasigon si Barangay Kapitan Rodolfo Pagalaran nga miabi-abi ug migiya sa mga evaluators sa pagsuroy-suroy niini palibot sa iyang barangay aron ipakita ang kalimpyo niini.
Sa pamahayag ni kapitan Rodolfo Pagalaran iyang gipadayag nga kampanti siya nga mamahimong mananaog ang iyang barangay sa natioanl search sanglit alang kaniya hingpit ang ilang pagpangandam alang sa maong kompetisyon ug mas nakampanti pa gayod siya sa dihang iyang nadungog ang maayong impression sa mga evaluators kabahin sa sanitation sa iyang barangay.
Subay niini, subling gipasalamatan ni Kapitan Pagalaran ang katawhan sa iyang barangay sa kooperasyon ug partisipasyon niini sa mga kalihukan ug pagtuman sa mga balaudnon nga iyang gipatuman sa Barangay Bunawan.
Gidasig usab ni kapitan ang mga bunawanon sa pagpadayon sa pagapakigduyog kaniya sa pagpalambo sa ilang barangay pinaagi sa pagpadayon niini sa mga nasugdan nang mga maayong programa ug kalihukan nga makahatag ug kalamboan dili lang sa barangay kon dili ilabina gayod sa matag usa nga katawhan sa barangay bunawan, aron sa kanunay mamahimong malampuson ug magamalamboon ang ilang barangay sama sa ilang naangkon nga kadaugan sa regional level kabahin sa proper sanitation nga diin karon malaumon silang mamahimo na usab nga national winner sa National Search for Best Barangay in Best Sanitation Practices.
PAGSUPORTA SA PROBINSYAL NGA PANGAGAMHANAN SA PROBINSYA SA MISAMIS OCCIDENTAL SA MGA PROGRAMA SA PANGLAWAS SA BARANGAY BUNAWAN UG SA TIBOOK PROBINSYA GIPASALAMATAN SA MGA DOH NATIONAL SANITATION EVALUATORS
Bisan gamay nga barangay ang Barangay Bunawan apan nakita sa mga National Sanitation Evaluators nga kini malamboon, partikularmente sa natad sa panglawas ug sa kalimpyo sa tibook barangay.
Alang kanila kini gumikan sa hugtanong koordinasyon ug suporta sa mga opisyales sa probinsyal ug lokal nga pangagamhanan sa Misamis Occidental,
Nakita ug nasaksihan sa mga evaluators ang suporta pinaagi sa pagtambong gayod sa mga opisyales sa probinsya ug sa mga opisyales sa Lungsod Sa Calamba atol sa pagpahigayon sa national evaluation sa sanitation sa Barangay Bunawan .
Subay niini, gipasalamatan ni Engineer Sonabel Anarna ang team leader sa sanitation evaluation team ang mga kadagkoan sa probinsya ug sa lokal nga pangagamhanan sa pagsuporta niini sa mga proyekto ug programa alang sa panglawas.
Partikularmente nga giapasalamatan ni Anarna si Governor Hermie Ramiro sa hugtanon niining pagsuporta ug implementasyon sa mga programang panglawas pinaagi GO HERMIE Program.
Gipasabot ni Anarna nga pinaagi sa maayong koordinasyon, suporta ug kooperasyon sa mga nagdumala sa probinsya, sa lungsod, sa barangay ug sa katawhan, mamahimong malampuson ug malamboon ang matag programa ug proyektong panglawas nga ipatuman sa matag, barangay, lungsod, syudad ug ilabina sa probinsya.