TM BALITA
PAGKASIKOP SA 13 KA MGA NUMERO-UNONG PINANGITA SA BALAUD SA PROBINSYA, DAKUNG AKSYON NGA NAHIMO SA PNP UG AFP SA PEACE AND ORDER 2011
PROVINCIAL PNP MALAUMON NGA DAKO GAYUD OG TABANG ANG PAG-ESTABLISAR SA BARANGAY PEACE KEEPING ACTION TEAM ALANG SA MALAHOTAYONG KALINAW UG KAHAPSAY SA PROBINSYA
LOKAL NGA MGA BUHATAN SA KAPITOLYO, I-BIOMETRIC NA SA KAGAMHANANG PROVINCIAL
BUDGET ALANG SA SERVICE VEHICLE NI GOVERNOR RAMIRO, IYANG ISAKRIPISYO MAKADAWAT LAMANG SA ILANG CHRISTMAS BONUS ANG MGA EMPLIYADO
HINGPIT NGA PAGPASAR SA PROVINCIAL SMOKE-FREE ORDINACE GIKALIPAY PAG-AYO NI GOVERNOR RAMIRO
Detalye sa mga balita:
PAGKASIKOP SA 13 KA MGA NUMERO-UNONG PINANGITA SA BALAUD SA PROBINSYA, DAKUNG AKSYON NGA NAHIMO SA PNP UG AFP SA PEACE AND ORDER 2011
Giila sa Philippine National Police ug sa Armed Forces of the Philippines nga naglihok diri sa Misamis Occidental nga ang 2011 labina sa milabay'ng pito kabulan, pinakadaghan og nasikop nga mga most wanted person sa kasaysayan sa peace and order situation sa probinsya. Kini human nasikop sa mga otoridad ang 13 ka mga individual nga dugay nang gipangita sa sabakan sa balaud. Kini nga accomplishment gipresentar sa provincial pnp atol sa gipahigayon nga provincial peace and order council meeting 2011 niadtong miaging simana sa kapitolyo. Ang nasangpit nga accomplishment, naglangkob na sa mga kaso sa murder, frustrated murder, robbery, carnapping, illegal possession of firearms, illegal logging, crime organized group ug insurgency sa probinsya. Usa na niini si andes baricuatro sa kasong frustrated murder, noel simbahon, 29 anyos, ulitawo taga-cebu city sa kasong robbery with homicide, cpl. rolando serencio, 33 anyos minyo, kanhi sakop sa philippine army sa murder ug pag-ikyas sa zamboanga del sur provincial jail, joel daque, residente sa bitibot, sapang dalaga sa kasong frustrated murder ug illegal possession of firearms ug miembro sa criminal gang, allan alferez, 30 anyos, residenete sa brgy. 3, tangub city member sa gang group, janil bazar, 27 anyos, ulitawo, residente sa cabangkalan, tangub, robbery with homicide, membro sa alferez group, jimmy parami, 43 anyos, minyo, residente sa banana village, kapatagan, lanao del norte diin gisuspetsahang bank robber, kauban niini sila si rolando panoy, 36 anyos, minyo residente sa brgy. dipolo, niel panin, 35 anyos, minyo, res. sa p-6 brgy carmen, ozamiz city ug dullie jul asri, 25 anyos, minyo, res. sa p-guava brgy. labatan, ipil, zamboanga sibugay. Samtang nakuha usab sa philippine army atol sa engkwentro nga nahitabo sa mabas, lopez jaena, ang usa sa mga komander sa new peoples army nga si sa robertson aches, alyas komander stanley, 55-55 years old, res. sa lower bautista, sapang dalaga. Nasayran nga si komander stanley gitoohan nga npa commander/sub-section secretary sa committee sendong nga naglihok sa pipila ka mga lungsod sa first district, misamis occidental. Nakuha usab gikan sa posesyon sa biktima, ang m-16 armalite riffle, mga eksplosibo ug mga subersibong mga dokumento. Samtang nasikop usab ang lain pang mga miembro sa npa nga naglihok sa ikaduhang distrito sa probinsya, sama nila ni jerne cabal, 25 anyos, ulitawo, diin nasikop sa brgy. montol, bonifacio ug jelio legaspi, 19 anyos, sulitawo. Gikataho ang duha, naglihok sa habagatang bahin sa probinsya, ilalom sa front committee joji. Matud pa sa pnp provincial command nga padayon ang ilang pagpanghingusog sa mga programa nga magpalig-on sa malahotayong kalinaw sa probinsya ug ang pagpakig-alayon ug pagpakigdugtong usab sa afp aron mas mapakubos pa ang kaso sa insurhe nsya sa tibuok probinsya.
PROVINCIAL PNP MALAUMON NGA DAKO GAYUD OG TABANG ANG PAG-ESTABLISAR SA BARANGAY PEACE KEEPING ACTION TEAM ALANG SA MALAHOTAYONG KALINAW UG KAHAPSAY SA PROBINSYA
mapasigarbuhon usab nga mipresentar ang kapolisan ngadto sa kagamhanang probinsyal kalabot sa lapad na nga naabtan sa gihingsugang programa sa Barangay Peace Keeping Action Team Training sa tibuok probinsya. Matud pa sa PNP Provincial Command nga sa pagkakaron, miabot na og 2,577 ka mga barangay officials ang napailalom sa bpat training human kini gisugdan niadtong bulan sa mayo. Naglangkob na niini ang tulo ka syudad sa probinsya, lungsod sa bonifacio, tudela, sapang dalaga ug calamba. Gilauman usab nga aduna pay daghang mga kalungsoran sa probinsya ang ipailalom sa BPAT training labina niining bulan sa septembre. Positibo ang nasudnong polisiya nga dako og tabang ang mamahimong produkto sa bpat training isip force multiplier sa kapolisan alang sa malahotayong kahapsay ug kalinaw sa tibuok probinsya.
LOKAL NGA MGA BUHATAN SA KAPITOLYO, I-BIOMETRIC NA SA KAGAMHANANG PROVINCIAL
Alang sa mga empliyado nga nagtan-aw sa kaayohan sa publiko mas ikalipay nila nga pahimotangan og biometric ang usa ka buhatan gumikan kay pinaagi niini mas makita ug mapamatud-an sa katawhan ang tinuod nga performance sa mga empliyado nga gibayran sa gobyerno. Apan negatibo kini alang niadtong mga empliyado nga dili sinsero ug walay dedikasyon sa ilang pagpanarbaho. Naaghat si Governor Herminia Ramiro nga himuong electrenic ang attendance records sa mga empliyado bunga sa iyang pagkadismaya sa mga kawani nga bisan gani kausa lamang sa usa ka bulan himuon ang flag raising ceremony, dili pa gayud makatambong gumikan kay nangaulahi. Kini nga buhat sa mga empliyado dili lamang panahon sa flag raising ceremony kon dili naandan na gayud nila kining gihimo. Pinaagi sa biometric, masayran na kun' kinsa kadtong mga empliyado nga regular nga nagtultol sa tukmang oras sa iyang pagpanarbaho.
Hinuon wala, gipadayag sa gobernadora ang silot, si kinsa kadtong mga empliyado nga masayran nga kanunay ang pagka-late apan subay sa balaud sa civil service aduna gayu'y pagkuha sa ilang inadlaw nga suholan isip silot sa ilang nahimong kalapasan. Pa mga nangaging pagkigpulong sa gobernadora, labina kun' adunay flag raising ceremony, iyang gidasig ang mga empliyado nga ipakita ang pagka-produktibo ug dedikasyon sa pagpanarbaho gumikan kay dili usab siya magmakuli sa paghatag og mga insentibo labina sa mid-year ug christmas bonus.
BUDGET ALANG SA SERVICE VEHICLE NI GOVERNOR RAMIRO, IYANG ISAKRIPISYO MAKADAWAT LAMANG SA ILANG CHRISTMAS BONUS ANG MGA EMPLIYADO
Mas palabihon pa ni Governor Herminia Ramiro nga dili siya magahinan og pundo alang sa i-isyung behikulo kay sa walay madawat nga christmas bonus ang mga empliyado karong pasko. Sa pakigpulong sa gobernadora atol sa pinakaulahing flag raising ceremony, gipahayag niini nga gusto na gyud unta niya nga aduna nay magamit nga sakyanan gikan sa probinsya gumikan kay dili na unta niya buot nga magamit alang sa bisan unsang official nga lakaw ang iyang kaugalingong probinsya. Sugod pa sa iyang pagserbisyo isip gobernador sa probinsya, ang iyang pribadong sakyanan na ang kanunay naiyang gigamit. Apan gumikan kay kaayohan man sa kadaghanan ang iyang gitan-aw, hinungdan nga nagpaabot siya og tukmang panahon nga medyo molo-ag ang panudlanan sa probinsya alang sa maong katuyo-an. Nagto-o ang gobernadora nga niining panahona, mahatag na sa kagamhanan ang iyang gitinguhang sakyanan apan mas samot na man hinuon nga nagdaginot ang probinsya gumikan kay daghang naprayoridad ug nagastohan sa kagamhanan niining tuiga. Kun' himuon sa gobernadora ang pagprayoridad sa iyang sakyanan, mas mosamot nga magamay ang christmas bonus sa mga empliyado o kaha wala na gayu'y mahatag bunga sa kalimitado karon sa nasudnong panudlanan.
HINGPIT NGA PAGPASAR SA PROVINCIAL SMOKE-FREE ORDINANCE GIKALIPAY PAG-AYO NI GOVERNOR RAMIRO
Maklaro sa panagway sa gobernadora ang iyang pagpabor nga mamahimong smoke free ang tibuok probinsya sa misamis occidental. Kini human niya gipahibalo ngadto sa kaubang mga empliyado sa kapitolyo atol sa pinakaulahing flag raising ceremony nga hingpit nang nahimong balaud sa probinsya ang anti-smoking ordinance sa sangguniang panlalawigan. Nasayran nga ang provincial smoke-free ordinance, hingpit nga napasar sa sangguniang panlalawigan atol sa pinakaulahing regular session sa sp niadtong miaging simana. Gikalipay sa gobernadora ang maong kalambo-an gumikan kay dako man gud kaayo ang iyang panglantaw nga makaangkon usab og himsog nga panglawas ang mga non-smokers labina gayud ang mga kabataan gumikan kay ang maayong panglawas maoy nag-una nga programa ang iyang giprayoridad sa iyang pangagamhanan sa probinsya. Wala niya did-i ang mga smokers labina sa mga empliyado sa kapitolyo ang pagpanigarilyo apan iya lamang gipasidan-an nga sundon gayud ang mga kalagdaan nga nasulat sa gipatumang smoke-free ordinance.