TM BALITA
JUNE 05-12
HEADLINES
GOVERNOR HERMIE RAMIRO NANGUNA SA GROUND BREAKING CEREMONY SA ROAD REHABILITATION PROJECT SA SAPANG DALAGA
MISAMIS OCCIDENTAL USA SA MGA PROBINSYA SA NASUD NGA GIPUNDOHAN OG DAGHANG PROYEKTO SA AUSTRALIAN FUNDING AGENCY
BUNAWAN – DAPACAN BAJO ROAD REHABILITATION PROJECT GISUGDAN NA
HUMAN RESOURCE MANAGEMENT PROVINCIAL OFFICE GIPAILALOM SA LIMA KA ADLAW NGA SEMINAR
KATAWHAN NGA BENEPISYARYO SA PROYEKTO SA PROVINCIAL REHABILITATION MANAGEMENT FACILITY SA SAPANG DALAGA GIPAILALOM SA PROJECT BRIEFING
MGA MUNICIPAL OFFICIAL SA CALAMBA UG MGA BARANGAY NGA BENEPISYARYO SA PROYEKTO NAGPASALAMAT SA PROGRAMA SA PRMF
==
DETALYE:
GOVERNOR HERMIE RAMIRO NANGUNA SA GROUND BREAKING CEREMONY SA ROAD REHABILITATION PROJECT SA SAPANG DALAGA
Anaa na sa ikaduhang tuig ang pagpatuman sa mga programa pang-rehabilitasyon sa mga kadalanan nga gipondohan sa Australian Government pinaagi sa Provincial Road Management Facility dinhi sa Probinsya sa Misamis Occidental.
Niadtong nakalabay’ng semana, gipahigayon ang groundbreaking ceremony sa Sapang Dalaga-Medallo Road nga gitambongan mismo ni Governor Hermie Ramiro ug uban pang mga opisyal sa pangagamhanang probinsyal sa Misamis Occidental.
Ang Ground Breaking Ceremony sa 4.06 Kilometer Road Project gipahigayon sa Barangay Sepac, Sapang Dalaga, Misamis Occidental.
Gipangunahan ni Governor Hermie Ramiro ang Capsule Laying inubanan nila Board Member Jim Delos Santos, Board Member Zaldy Damenar, Atty. Roy Raagas ang PRMF Project Coordinator ug mga konsehal sa lungsod sa Sapang Dalaga.
Nasayran nga usa sa prioridad ni Governor Hermie Ramiro mao ang pag-ayo sa mga Provincial Roads ingon man ang mga Farm to Market Roads diin nahimong partner sa pangagamhanang probinsyal sa Misamis Occidental ang Australian Government nga maoy mihatag ug pundo alang sa katumanan sa nasangpit nga proyekto pinaagi sa PRMF.
Sumala gi Governor Ramiro nga nakahatag ug dakung tabang sa iyang administrasyon ang PRMF kon Provincial Road Management Facility dili lamang sa Road Rehabilitation kundili lakip na sa gitawag nga capability building.
Ang Ground Breaking Ceremony nga gipahigayon niadtong nakalabay’ng semana simbolo na alang sa pag-sugod sa maong proyekto.
Kalabot niini, mipadangat ug pasalamat ang mga residente ug opisyal sa maong dapit tungod mapasayon na alang kanila ang pagtunod sa ilang mga produkto ngadtu sa sentrong bahin inig human sa maong proyekto.
Gawas niini ang Road Rehabilitation Project ang makahatag usab ug panarbaho alang sa mga residente niini.
Una nang gihangyo ni Governor Hermie Ramiro ang contractor sa maong proyekto nga mokuha ug mga trabahante niini ang gikan sa maong lugar.
==
MISAMIS OCCIDENTAL USA SA MGA PROBINSYA SA NASUD NGA GIPUNDOHAN OG DAGHANG PROYEKTO SA AUSTRALIAN FUNDING AGENCY
Ubay-ubay nga proyekto dinhi sa Misamis Occidental ang gipundohan sa AUSAID kun Australian Agency for International Development.
Sumala pa ni Atty. Roy Raagas, PRMF Provincial Coordinator nga ang mga proyekto nga gipatuman sama sa mga Road Rehabilitation Project pinaagi sa Provincial Road Management Facility ang gipondohan sa mga australiano gikan sa ilang mga buhis.
Ang Road Rehabilitation Project sa Probinsya sa Misamis Occidental nga gipondohan sa National nga pangagamhanan sa austrlia pinaagi sa AUSAID ang napahigayon subay usab sa gihimong pag-prioritized ni Governor Hermir Ramiro pinaagi sa paghimo sa Provincial Roads Network Development Plan.
Nahibaluan nga ang 4.06 kilometer nga dalan gikan sa Sapang Dalaga padulong sa Medallo ang naapil sa 34 ka mga Provincial Roads Sections.
Nasayran nga ang pangagamhanang probinsyal sa Misamis Occidental ang mihatag sa iyang share nga 12 percent sa maong pondo alang sa kahumanan sa maong proyekto.
==
BUNAWAN – DAPACAN BAJO ROAD REHABILITATION PROJECT GISUGDAN NA
Gisugdan na ang Road Rehabilitation sa Bunawan-Dapacan Bajo Road sa lungsod sa Calamba, Misamis Occidental human gihimo ang Ground Breaking Ceremony niadtong nakalabay’ng semana nga gipangunahan ni Governor Hermie Ramiro inubanan sa pipila ka opisyal sa pangagamhanang probinsyal sa Misamis Occidental ug mga representante gikan sa AUSAID ug Prmf ug mga lokal nga opisyal sa Calamba.
Kini ang gipundohan sa AUSAID pinaagi usab sa PRMF nga mokabat ngadtu sa kapin 10 Million Pesos diin mibubo niini ug dose (2) porsiyento nga share ang pangagamhanang probinsyal sa Misamis Occidental.
Ang maong proyekto gilauman nga mahuman sulod sa 150 ka adlaw o sa oktobre 19, 2012 subay sa Project Plan nga gihan-ay sa kontraktor niini.
Ang Ground Breaking sa Bunawan-Dapacan Bajo Road gipahigayon sa samang adlaw sa groundbreaking sa Sapang Dalaga – Medallo Road niadtong mayo 31ning kasamtangang tuig.
Kalabot niini, gipadayag ni Governor Hermie Ramiro sa mga katawhan sa Barangay Dapacan, Calamba kung unsa ka mahinungdanon ang rehabilitasyon sa mga kadalanan diin matud pa iyang nasinatian ang grabeng kalisod sa biyahe kung dili maayo ang dalan nga agi-an.
Ang Bunawan-Dapacan Bajo Road maoy Phase 1 Project sa Provincial Road Management Facility nga gipundohan sa Australian Government.
Kalabot niini, gipadayag ni Governor Hermie Ramiro ang iyang pasalamat ngadto sa Australian Government sa pagbubo ug pundo sa nagkalain-laing proyekto pang-rehabilitasyon sa mga kadalanan dinhi sa Probinsya sa Misamis Occidental.
==
HUMAN RESOURCE MANAGEMENT PROVINCIAL OFFICE GIPAILALOM SA LIMA KA ADLAW NGA SEMINAR
Usa ka mahinungdanong adlaw alang sa mga sakop sa Human Resource Management Development Office sa Probinsya sa Misamis Occidental ang gipahigayong lima ka adlaw nga seminar.
Sumala sa pahayag ni Mrs. Josephina Omisol, Officer in Charge sa maong buhatan nga sa maong Training Seminar nahatagan ug igong kasayuran ang mga personahe niini kalabot sa strategic planning.
Mahinungdanon matud pa ang strategic planning aron ilang hingpit nga masuportahan ang pangagamhanan ni Governor Hermie Ramiro.
Nasayran nga napahigayon ang maong Training Seminar pinasubay usab sa suporta ni Governor Hermie Ramiro Ug sa PRMF aron mapaabot usab sa mga empleyado sa pangagamhanang probinsyal sa misamis occidental ang kamahinungdanon sa pag-formulate sa HRMD Plan kon Human Resource Management and Development Plan.
Ang hrmo ang nahimo na nga usa ka departamento sa probinsyal nga pangagamhanan sa misamis occidental pinsubay sa sp ordinance 13-11 series of 2011 nga gipalig-on usab ni governor hermie ramiro.
==
KATAWHAN NGA BENEPISYARYO SA PROYEKTO SA PROVINCIAL REHABILITATION MANAGEMENT FACILITY SA SAPANG DALAGA GIPAILALOM SA PROJECT BRIEFING
Usa ka Project Briefing alang sa katawhang beneficiaries sa proyekto sa PRMF ang gipahigayon sa mga tagdumala sa mga PRMF Projects nga nahimutang sa lungsod sa Sapang Dalaga atol sa pagpahigayon sa Project Ground Briefing niini niadtong milabayng semana.
Katuyo-an sa Project Briefing aron masayran sa katawhang benepisyaryo kong unsa kini nga proyekto ug kong unsay ilang partisipasyon ug obligasyon alang sa katumanan niini.
Gipadayag ni Engr. Robert Duhaylungsod angpagpahibalo sa katawhan sa mga aktibidades nga ipahigayon diha sa project site.
Una, gipasabot ni Engr. Duhaylungsod nga walay concreting o pagkonkreto sa karsada nga mahitabo kon dili graveling lamang ug pagbutang sa kanal ug mga culbert alang sa tukmang agi-an sa tubig sa panahon sa ting-ulan aron kalikayan ang pagkaguba sa karsada.
Samtang dugang bantayan usab sa katawhang beneficiaries ang tukmang pagpahimutang sa mga safety devices samtang on going ang kontruksyon, lakip na usab ang pagpahimutang unya sa mga safety traffic signs alang sa kaluwasan sa mga motorista.
Gipaklaro pa niini nga dako ang partisipasyon sa katawhan beneficiaries sa konstruksyon sa maong proyekto, partikular sa pagbantay kon natuman ba sa contractor ang kung unsa man ang nahimutang sa kontrata.
Gidasig usab ni Engr. Duhaylungsod ang katawhan sa pagreport gilayon sa ilang buhatan kon aduna may kalapasan nga mahimo ang kontraktor.
===
MGA MUNICIPAL OFFICIAL SA CALAMBA UG MGA BARANGAY NGA BENEPISYARYO SA PROYEKTO NAGPASALAMAT SA PROGRAMA SA PRMF
Dako ang pasalamat sa mga Municipal Officials, Barangay Officials ug sa katawhan sa Barangay Bunawan ug Dapacan Bajo sa lungsod sa Calamba sa proyekto sa PRMF kon Provincial Roads Management Facility nga gipahimutang sa ilang barangay sanglit nakatubag kini sa dakong suliran sa Provincial Road sa ilang mga barangay.
Nasayran nga kini nga Bunawan-Dapacan Bajo Provincial Road Rehabilitation Project nga gifundingan sa PRMF ug kini ang nakahingpit sa katumanan sa pangandoy sa katawhan nga nag-agI-an niini ilabina sa katawhang mag-uuma sa duha (2) ka barangay gumikan kay sayon na man ang pagbyahe sa ilang mga produkto ngadto sa merkado.
Dugang nasayran nga kini nga dalan ang sumpay sa bag-o pa lamang usab nga giturn over nga MRDP Project nga pagrehabilitar usab sa Dapacan Bajo Road to Dapacan Alto Road
Sumala pa sa mga opisyales sa lungsod ug sa barangay nga ang katumanan sa PRMF Road Rehabilitation Project sa maong mga barangay ang mas makahatag sa dakong oportunidad sa katawhan nga mapalambo ang ilang panginabuhi.
==