TM BALITA
JAN. 16-12
HEADLINES
SCHOOL PRINCIPAL SA DIWAT NATIONAL HIGH SCHOOL BUOT MAPADALI ANG RELOCATION ORDER SA SCHOOL CAMPUS BUNGA SA HULGA SA LANDSLIDE
SCHOOL PRINCIPAL SA DIWAT NATIONAL HIGH SCHOOL KOMPYANSA NGA SUPORTAHAN GIHAPON NI GOV. HERMIE RAMIRO ANG BAG-ONG HIGH SCHOOL CAMPUS
MISAMIS OCCIDENTAL SCHOOLS DIVISION KINASINGKASING NGA NAGPASALAMAT NI SB MEMBER REMEGIO SUCO NGA DONOR 1 HECTARE LOT NGA TUKORAN SA BAG-ONG ESKWELAHAN
MGA GARDEN TOOLS, VEGETABLES SEEDS AND TRICHO-DERMA ALANG SA AGRI-PINOY GULAYAN SA PAARALAN GITURN-OVER SA UPAT KA SCHOOLS DIVISION SA MISAMIS OCCIDENTAL
BUHATAN SA DEPARTMENT OF AGRICULTURE GIPASALAMATAN SA UPAT KA SCHOOLS DIVISION SA PROBINSYA, SA KATUMANAN SA MGA INPUTS ASSISTANCE SA GULAYAN SA PAARALAN PROGRAM
AGRI-PINOY GULAYAN SA PAARALAN PROGRAM GIPAAGI SA USA KA KOMPETISYON ALANG SA IMPLEMENTASYON
==
DETALYE:
SCHOOL PRINCIPAL SA DIWAT NATIONAL HIGH SCHOOL BUOT MAPADALI ANG RELOCATION ORDER SA SCHOOL CAMPUS BUNGA SA HULGA SA LANDSLIDE
Gusto ni Mr. Ralf Castillon, ang School Principal sa Diwat National High School sa Barangay Buenavista, Bonifacio nga sa labing dali nga panahon masugdan na ang konstruksyon sa bag-ong relocation site sa barangay tusik aron sa tuyo nga makabalhin gilayon ang mga estudyante sa luwas nga school campus.
Kini human nakompirmar sa Mines and Geosciences Bureau Region-10 nga geohazards o adunay posibilidad nga mag-landslide ang bukirang bahin sa sitio Diwat gumikan sa huyang nga pundasyon sa mga dagkong bato nga ana-a sa babaw nga bahin sa bungtod.
Nakita sa mga eksperto nga kini posible gayud gumikan sa mga timailhan sa lihok sa yota nga adunay pagpanahili niini labina kun’ subsob ang pag-ulan.
Nasubay sa mga sa sakop sa Mines and Geosciences Bureau Region-10 ang maong bungtod human naligdan sa dakong bato ang usa ka panimalay niadtong Marso sa pikas nga bahin niini.
Kini ang hinungdan nga gipasidan-an usab gilayon sa mgb ang mga teaching force sa Diwat National High School aron makamugna og aksyon labina ang pagpabalhin sa school campus sa labing dali nga panahon.
Human nadawat sa diwat national high school ang pahibalo sa mines and Geosciences Bureau, mipatawag gilayon og panagtagbo si Schools Principal Ralf Castillon sa mga guinikanan ug mga barangay official sa Buenavista alang sa kaluwasan sa mga estudyante ug mga magtutudlo nga ana-a sa maong tulonghaan.
Sa pagkakaron ang maong aksyon, posibleng ipadangat na sa Regional nga buhatan sa Department of Education Region-10, pinaagi ni Mr. Jonathan Dela Peña ang Schools Division Superintendent sa Misamis Occidental Division office.
==
SCHOOL PRINCIPAL SA DIWAT NATIONAL HIGH SCHOOL KOMPYANSA NGA SUPORTAHAN GIHAPON NI GOV. HERMIE RAMIRO ANG BAG-ONG HIGH SCHOOL CAMPUS
Bisan napadangat na ni School Superintendent Jonathan Dela Peña ang mga mahinungdanong dokumento nga nagrekomendar sa daling pagpabalhin sa ilang school campus sa bag-ong relocation site, wala gihapo’y hunong ang pagdangop ni School Principal Ralf Castillon sa pipila ka mga official sa gobyerno aron sa tuyo nga mas mapadali pa ang aksyon sa maong rekomendasyon.
Usa sa mga local official nga nakita ni castillon kon diin nakasiguro siya nga dili gayud magmakuli sa paghatag og tabang mao si Governor Herminia Ramiro.
Matud pa sa principal nga nahimo ang mga school building sa Diwat National High School gumikan sa dakong tabang ni kanhi Congressman Hilarion Ramiro, jr., ang kapikas ni Governor Herminia Ramiro.
Bisan sa pagkawala ni kanhi Congressman Nonoy, padayon gihapon nga gisuportahan ang tulonghaan pinaagi ni Governor Hermie Ramiro kaniadto nga siya pa usab ang kongresista sa ikaduhang distrito.
Ug niining higayona, wala gihapon kawad-i sa paglaum si Castillon nga aduna gihapon siya’y suporta nga madawat sa gobernadora labina nga ana-a sa peligro ang kahimtang sa mga estudyante nga nagtungha dinhi.
Gusto sa principal nga adunay mahatag nga financial assistance ang kagamahang probinsyal alang sa konstruksyon sa mga school buildings gawas sa pundo gikan mismo sa Department of Education.
Dugang pa ni Castillon nga gibati siya og kahanugon sa biyaang mga school building sa Diwat National High School gumikan kay dako og natabang ang pamilyang Ramiro sa kalamboan sa tulonghaan ug kaugmaon sa mga kabataan sa bukirang bahin sa Bonifacio.
==
MISAMIS OCCIDENTAL SCHOOLS DIVISION KINASINGKASING NGA NAGPASALAMAT NI SB MEMBER REMEGIO SUCO NGA DONOR 1 HECTARE LOT NGA TUKORAN SA BAG-ONG ESKWELAHAN
Positibo sa iyang panglantaw ni School Principal Ralf Castillon sa Diwat National High School nga ang maayong dagan sa gihimong aksyon sa mga magtutudlo, guinikanan ug kagamhanang lokal sa lungsod sa bonifacio, nagpasabot lamang nga ilikay sila sa kadaot nga posibleng mahitabo unya sa ilang dapit.
Matud pa sa principal nga usa na niini ang walay duha-duhang pagsuporta sa mga gunikanan human niini gipadayag ang rekomendasyon nga kinahanglan gayud nga ibalhin ang school campus sa Diwat National High School.
Mas labaw pang nadasig ang principal sa dihang adunay tulo ka mga donors nga boluntaryong mipresentar sa ilang mga lote nga andam nila kining i-donate.
Sa tulo ka mga donors nga mipresentar sa ilang mga lote, ang lote lamang ni Sangguniang Bayan Member Remegio Suco ang nakapasar sa gihimong survey sa Mines and Geociences Bureau ug kini nga ang panghitabo, gipasalamatan pag-ayo ni Castillon.
Kompyansa usab si castillon nga makamugna usab og inisyatiba si Schools Division Superintendent Jonathan Dela Peña aron sa tuyo nga mas mapadali pa ang pag-aprobar sa maong rekomendasyon sa Department of Education Regional Office.
==
MGA GARDEN TOOLS, VEGETABLES SEEDS AND TRICHO-DERMA ALANG SA AGRI-PINOY GULAYAN SA PAARALAN GITURN-OVER SA UPAT KA SCHOOLS DIVISION SA MISAMIS OCCIDENTAL
Giturn-over sa mga kawani sa rehiyonal ug probinsyal nga buhatan sa Department of Agriculture ang gatusan ka mga garden tools, pinakbit vegetables seeds ug ang liboan ka mga decomposer organism nga tricho-derma ngadto sa upat ka dep ed division sa probinsya sa misamis occidental aron magamit alang sa pagpalambo pa sa mga gulayan sa paaralan sa mga tunghaan sa matag division.
Nadawat sa Ozamiz City Division, Tangub City Division, Oroquieta City Division ug misamis occidental division ang nasangpit nga mga kagamitan sa paggarden sama sa pala, piko, bunlay, sprinkler, pinakbet vegetable seeds ug decomposer organism nga tricho-derma.
Nasayran nga ang nasangpit nga kagamitan ang idistribute usab sa matag division ngadto sa ilang ginsakopan nga mga tunghaan, sama sa Ozamiz City Division nga adunay 23 ka sakop nga mga tunghaan, Tangub City Division nga adunay 25 ka mga sakop nga tunghaan, samtang ang oroquieta city division ang adunay 25 usab ka mga nasakop nga tunghaan og 71 usab ka mga tunghaan ang nahisakop sa Misamis Occidental Division.sumatotal sa 144 ka mga tunghaan sa tibook probinsya ang mahatagan niini aron sa pagpalambo sa ilang nga gulayan sa paaralan alang sa umaabot nga kompetisyon.
Kahinumduman nga ang nasyonal nga buhatal sa Department of Agriculture ubos sa pagdumala ni Secretary Proseso Alcala ang mipasiugda sa usa ka agri-pinoy gulayan sa paaralan competion nga diin ang nasangpit nga buhatan ang miprovide sa mga garden tools, vegetables seeds ug mga tricho-derma alang sa pagpalambo sa matag gulayan sa paaralan sa tanang tunghaan sa tibook nasud.
Katuyuan sa pagpasiugda ni DA Secretary Alcala sa Agri-Pinoy Gulayan sa Paaralan nga kahatagan sa maayong nutrisyon ang kabataan diha sa matag tunghaan pinaagi sa pagkaon sa mga utanon nga produkto sa gulayan o sa garden sa ilang matag tunghaan pinaagi sa feeding program usab niini.
Dugang katuyuan usab sa maong programa nga katudluan ang kabataan sa kamahinungdanon sa pagpananom ilabina sa mga utanon ug sa pagkaon niini, ug usab matudluan ug makat-on sila sa paggamit sa mga organikong pamaagi sa pagpananom.
==
BUHATAN SA DEPARTMENT OF AGRICULTURE GIPASALAMATAN SA UPAT KA SCHOOLS DIVISION SA PROBINSYA, SA KATUMANAN SA MGA INPUTS ASSISTANCE SA GULAYAN SA PAARALAN PROGRAM
Kalipay ang gibati sa mga nagdumala sa upat sa Deped Division sa probinsya sa Misamis Occidental, ang Ozamiz City Division, Tangub City Division, Oroquieta City Division ug Misamis Occidental Division sa katumanan sa mga outputs assistance sama sa mga gardens tools, vegetables seeds ug uban pa nga gikinahanglan sa programang gulayan sa paaralan.
Sumala pa ni Joseph Boniao Oroquieta City Division gulayan sa paaralan coordinator nga dako ang ilang pasalamat sa katumanan sa nasangpit nga programa.
Dako usab ang ilang pasalamat sa mga nagdumala sa rehiyonal ug probinsyal nga buhatan sa department of agriculture sa pagpaabot ngadto sa buhatan dep ed sa mga programang pang-agrikultura nga alang kanila dako kaayo kini ug ikatabang alang sa kalamboan sa matag tunghaan, sama sa gulayan sa paaralan nga ipaagi usab kini sa usa ka kompetyisyon aron madasig ang matag tunghaan sa pagpalambo gayod sa ilang mga school garden.
Gipasalamatan usab ni Boniao si Governor Hermie Ramiro sa inisyatiba niini nga GO HERMIE Organic Vegetable Production Competition nga diin ang Oroquieta City Central School ang nahimong champiom sa nasangpit nga kompetisyon.
Gipasabot ni boniao nga usa ka maayong programa ang gihimo sa gobernadora nga GO HERMIE Organc Vegetable Production competition sanglit nakatabang usab kini sa pagpalambo sa programa sa nasyonal nga buhatan sa Department of Agriculture ug sa Dep-Ed nga gulayan sa paaralan program.
Pinaagi sa GO HERMIE Organic Vegetable Production Competition mas napasayon na sa mga nagdumala sa gulayan sa paaralan,ang pagdumala sa mga sistema o pamaagi sa niini sanglit halos managsama lamang ang criteria sa duha ka competition.
Ang nasangpit nga mga programa ang dako og impact ngadto sa kabataan karon sanglit sumala sa ilang naobserbahan nga ang kabataan karon wala nay hilig sa agrikultura sama sa paggarden, dili sama sa kabataan kaniadto nga anaa ang hilig sa agrikultura.
Ilang gilauman nga pinaagi sa GO HERMIE Organic Vegetable Production Program Ug sa Agri-Pinoy Gulayan Sa Paaralan Program mapabalik ang kadasig sa kabataan sa agrikultura gumikan sa hugtanon nga suporta sa nasyonal ug probinsyal nga mga lideres alang sa implementasyon sa agrikulturang mga programa diha sa ilang buhatan sa Dep-Ed.
==
AGRI-PINOY GULAYAN SA PAARALAN PROGRAM GIPAAGI SA USA KA KOMPETISYON ALANG SA IMPLEMENTASYON
Sama sa GO HERMIE Organic Vegetable Production, ipaagi usab sa usa ka kompetisyon ang implementasyon sa Agri-Pinoy Gulayan sa Paaralan Program.
Katuyuan sa pagpaubos sa usa ka kompetisyon sa nasangpit nga programa aron masuta kon kinsa kadtong mga tunghaan nga agrsibo ug aktibong misuporta sa maong programa pinaagi sa pagpalahutay usab niini.
Sumala pa ni Merlyn Ledesma ang Regional Focal Person sa gulayan sa paaralan program nga aron masuta kon aduna bay sustainability ang implementasyon sa nasangpit nga gulayan sa paaralan ilang pagahimoon ang tulo ka hugna sa evaluation niini sa dili pa ideklara ang mananaog, sanglit pinaagi niini makita kon nagmalahutayon ba ang gulayan sa paaralan program diha sa matag tunghaan.
nasayran nga sama sa GO HERMIE Organic Vegetable Production Competition, usa usab sa mga criteria sa gulayan sa paaralan competition ang paggamit gayod sa mga organikong pamaagi sa pagpananom, paghimo sa seed banking o pagtigom sa mga binhi gikan sa mga utanon nga ilang gitanom alang sa sunod nga cropping, nga ang kabataan maimpluwensya usab sa maong programa pinaagi sa paghimo sa kaugalingong garden sa ilang panimalay ug usab diha sa komunidad.
Malaumon ang mga nagdumala sa Agri-Pinoy Gulayan sa Paaralan Program nga magmalamboon ug mapalahutay ang nasangpit nga programa sa mga tunghaan nga mahatagan sa mga ayudang pang-agrikultura sama sa mga garden outputs nga ilang giturn-over sa upat ka mga Dep-Ed Division sa probinsya sa Misamis Occidental.
==
GROUND BREAKING SA MAJOR RENOVATION SA CAPITOL BUILDING UG PAGPALAMBO SA SPORTS COMPLEX IPAHIGAYON
Gilauman nga ang Enero 17, usa sa mga mahinungdanong adlaw niining tuig 2012 nga maoy momarka sa laing kalampusan sa kasaysayan sa kagamhanang probinsyal sa Misamis Occidental ilalom sa administrasyon ni Governor Herminia Ramiro.
Kini human gitakda ang Ground Breaking Ceremony sa usa sa mga pinakamahinungdanong proyekto sa kagamhanang probinsyal niining tuiga nga mao ang Major Renovation sa Capitol Building ug pagpalambo sa Sports Complex sa Misamis Occidental National High School.
Gawas sa pagpanguna ni Governor Hermie Ramiro ug uban pang mga official sa kagamhanang probinsyal sa ipahigayong ground breaking ceremony sa Enero 17, posibleng mosaksi usab sa maong okasyon ang usa sa mga DEPED Under Secretary for Finance and Administration nga si Usec. Francisco Varela.
Sa pagkakaron, ang kagamhanang probinsyal nangandam na usab alang sa pagdapit sa uban pang mga pribadong sektor alang sa pagsaksi sa maong kalihukan karong Martes.