TM BALITA

MARCH 3, 2013

HEADLINES

BATCH 1988 SA STELLA MARIS COLLEGE NAGPAHIGAYON SA MANGROVE PLANTING, ALAYON SA PROGRAMA SA PANGAGAMHANAN NGA PAGPROTEKTAR SA KINAIYAHAN

RESPONSIBILIDAD SA PAGPROTEKTAR SA KINAIYAHAN DILI LANG ISALIG SA GOBYERNO KON DILI TULOMANON USAB SA TANAN, SUMALA PA SA STELLA MARIS COLLEGE BATCH 88 GRADUATES

MGA PROYEKTO UG PROGRAMA NI GOV. RAMIRO NGA NAPAHIMUSLAN SA KABARANGAYAN SA LUNGSOD SA CALAMBA GIPASALAMATAN SA MGA KAPITAN

GOV. RAMIRO NAGHANGYO SA KATAWHAN SA PROBINSYA NGA MOALAYON ALANG SA HAPSAY UG MALINAWON NGA 2013 ELEKSYON

TUDELA CENTRAL SCHOOL, NATIONAL CHAMPION SA SCIENCE QUIZ

KAGAMHANANG LOKAL SA TANGUB CITY NAGSAULOG SA ILANG 45TH CHARTER ANNIVERSARY

==

DETALYE:

BATCH 1988 SA STELLA MARIS COLLEGE NAGPAHIGAYON SA MONGROVE PLANTING, ALAYON SA PROGRAMA SA PANGAGAMHANAN NGA PAGPROTEKTAR SA KINAIYAHAN

DILI LANG LINGAW-LINGAW UG BONDING-BONDING ANG NAHUNA-HUNA UG GIHIMO GAYOD SA  MGA KANHI TINUN-AN SA STELLA MARIS COLLEGE BATCH 1988 SA ILANG PAGBALIK-LANTAW O PAGHANDOM SA  PANAHON SA ILANG HIGH SCHOOL LIFE, KON DILI PAGPKIG-AMBIT SA KON UNSA MAN ANG NAABOT NILANG GRASYA NGADTO SA UBAN UG USAB ANG PAGPAKABANA SA PAGPROTEKTAR SA KINAIYAHAN ATOL NIINING IKA-25 KA TUIG SUKAD SILA MIGRADWAR SA NASANGPIT NGA TUNGHAAN.

SUNALA PA NI    ANG PRESIDENTE SA SMC BATCH 88 GRADUATES NGA NING IKA-25 KATUIG NGA KASUMARAN SA ILANG PAGGRADWAR SA STELLA MARIS COLLEGE ADUNA SILAY GIHAN AY NGA MGA KALIHUKAN, USA NA NIINI ANG ILANG PAGPANGHATAG UG MGA REGALO O GOODIES SA MGA PAMILYANG NANIMUYO SA GAWAD KALINGA SA BARANGAY BOLIBOL NING SYUDAD SA OROQUIETA OG ANG MANGROOVE PLANTING NGA GIPAHIGAYON SA MOBOD SANCTUARY.

KINI ISIP SUPORTA SA PROGRAMA SA LOKAL UG PROBINSYAL NGA PANGAGAMHANAN SA  PROBINSYA PARTIKULAR SA PAGPROTEKTAR SA KINAIYAHAN, SANGLIT ILA USAB NGA NAKITA UG NASINATI ANG DILI NA MAAYONG LAKAT SA PANAHON UG EPEKTO SA GLOBAL WARNING NGA MAO ANG CLIMATE CHANGE.

SUMALA PA USAB NI OROQUIETA CITY COUNCILOR VINCENT GAUNTERO ANG USA SA MGA MIEMBRO SA SMC BATCH 1988 NGA  DILI LANG SA KABAYBAYUNAN ANG ILANG PAGAHIMOONG PAGPANANOM SA MGA KAHOY KON DILI LAKIP NA USAB SA BUKID.

SAMTANG GIDASON USAB NI FIRST DISTRICT BOARD MEMBER LOVELY LIEZL BAZ YAPE NGA DAKO ANG IYANG PASALAMAT SA NAHIMONG IDEYA SA IYANG MGA KAUBANAN SA BATCH NGA MANANOM SA MGA KAHOY SANGLIT DAKO USAB KINI OG MATABANG SA PAGPAHIULI SA KINAIYAHANAN.

GIPAKLARO USAB SA MAGBABALAOD NGA DILI LANG KAY TAMAN RA SILA SA PAGTANOM KON DILI MAGGAHIN USAB SILA SA PANAHON ARON SA PAGDUAW SA ILANG GIPANANOM KON NABUHI NA BA KINI OG SA PAGTANOM PAGBALIK KON UGALING ADUNAY MANGAMATAY NIINI.

NASAYRAN NGA KAPIN SA 300 KA MGA TUNGKI KON MANGROVE PROPAGULES ANG ILANG NATANOM NGA PAGALAUMAN NGA MAKAHATAG UG DUGANG KALAMBOAN SA KINAIYAHAN.

==

RESPONSIBILIDAD SA PAGPROTEKTAR SA KINAIYAHAN DILI LANG ISALIG SA GOBYERNO KON DILI TULOMANON USAB SA TANAN, SUMALA PA SA STELLA MARIS COLLEGE BATCH 88 GRADUATES

GIDASIG SA STELLA MARIS COLLEGE BATCH 88 GRADUATES ANG KATAWHANG MISAMISNON SA PAGHATAG OG PAGPAKABANA SA PAGPROTEKTAR SA KINAIYAHAN  SA BISAN  GINAGMAY LANG NGA PAAGI, SAMA SA PAGTANOM SA MGA KAHOY, PAGLABAY SA BASURA SA TUKMANG PAAGI UG UBAN PANGAMGA BUHAT NGA MAKATABANG SA PAGPAHAULI SA NAGKAGUN OB NANG KINAIYAHAN.

GIPAKLARO USAB NILA PAGPADAYAG NGA DILI LANG ISALIG SA PANGGOBYERNO ANG PAGHIMO SA MGA AKSYON UG MGA PROGRAMA NGA MAKAPROTEKTAR SA KINIYAHAN KON DILI GIKINAHANGLAN NGA MOLIHOK UG MOPARTISIPAR ANG MATAG USA, MABATA MAN O MAHAMTONG, BABAYE UG LALAKI SA PAGHIMOG AKSYON SA PAGPROTEKTAR SA KINAIYAHAN ARON MAPUGNGAN ANG PADAYONG PAGKAGUN OB NIINI NGA MERESULTA NA SA MGA KALAMIDAD UG DILI KASARANGAN NGA LIHOK SA PANAHON NGA GANE NASINATI NA KINI DILI LANG SA OROQUIETA CITY O SA MISAMIS OCCIDENTAL APAN SA BISAN ASANG DAPIT SA KALIBUTAN.

GIDUGANG PA NILA PAGPASABOT  NGA ARON  MAMAHIMONG  MALAMPUSON ANG MATAG PROGRAMA UG PROYEKTO SA PANGAGAMHANAN GIKINAHANGLAN ANG HINIUSANG AKSYON SA GOBYERNO UG SA KATAWHAN ALANG SA TINONG KALAMBOAN SA PAGPROTEKTAR SA KINAIYAHAN ALANG USAB SA MAAYONG KAUGMAON UG KALUWASAN SA SUNOD NGA  MGA HENERASYON. 

==

MGA PROYEKTO UG PROGRAMA NI GOV. RAMIRO NGA NAPAHIMUSLAN SA KABARANGAYAN SA LUNGSOD SA CALAMBA GIPASALAMATAN SA MGA KAPITAN

PASALAMAT  UG LIG-ONG SUPORTA SA PANGANMHANAN  NI GOVERNOR  HERMIE RAMIRO ANG GIPADAYAG SA MGA KAPITAN  UBAN  SA KATAWHAN SA MATAG BARANGAY SA LUNGSOD SA CALAMBA NGA  NAKAPAHIMULOS NA SA MGA PROGRAMA UG PROYEKTO SA GOBERNADORA.

USA NA NIINI ANG UNANG PAGBISITA NI GOVERNOR RAMIRO SA ILANG MGA BARANGAY DALA ANG  MEDICAL AND DENTAL MISSION UG NING BAG-OHAY PA LAMANG ANG PAGHATAG SA GOBERNADORA SA FINANCIAL COUNTERPART ALANG SA KALAHI CIDSS PROJECT SA ILANG MATAG BARANGAY.

SUMALA PA SA MGA KAPITAN NGA DILI MASUKOD ANG KALIPAY SA KATAWHAN SA ILANG MATAG BARANGAY SA PROGRAMA UG PROYEKTO NI GOVERNOR RAMIRO NGA ILANG NAPAHIMUSLAN, NAKITA UG NAANGKON SANGLIT NAKAHATAG KINIG DAKONG TABANG UG PAGPALAMBO,  UNA SA ILANG PANGLAWAS, PANGINABUHIAN UG SA EDUKASYON SA ILANG KABATAAN.

KAHINUMDUMAN NGA DAGHAN NANG MGA PROYEKTO UG PROGRAMA SI GOVERNOR RAMIRO UBOS SA GO HERMIE PROGRAM ANG NAPAKATAG NA SA LUNGSOD SA CALMABA.

PIPILA NIINI NGA MGA PROYEKTO MAO ANG MGA INFRASTRUCTURE PROJECT, AGRICULTURAL,  HEALTH,  EDUCATIONAL, SOCIAL SERVICES PROGRAM AND PROJECTS  UG UBAN PA PINAAGI USAB SA MGA SANGANG  BUHATAN UG AHENSYA SA PROBINSYA .

==

GOV. RAMIRO NAGHANGYO SA KATAWHAN SA PROBINSYA NGA MOALAYON ALANG SA HAPSAY UG MALINAWON NGA 2013 ELEKSYON

SUKAD PA SA PAGSUGOD SA PAGPANGALAGAD NI GOVERNOR HERMIE RAMIRO ISIP HEPE EHEKUTIBO SA PROBINSYA, KAABAG NA NIYA ANG PHILIPPINE NATIONAL POLICE, ARMED FORCES OF THE PHILIPPINES UG UBAN PANG AHENSYA SA KAGAMHANAN ALANG SA PAGMINTINAR SA KAHIMTANG SA KAHAPSAY UG KALINAW SA TIBUOK PROBINSYA SA MISAMIS OCCIDENTAL.

KINI ANG HINUNGDAN NGA SA MATAG TUIG, HALOS SA MATAG KWARTER REGULAR GAYUD NGA NAKIGTAGBO ANG GOBERNADORA SA MGA OPISYAL SA KAPOLISAN, KASUNDALOHAN UG SA UBAN PANG MGA LOCAL OFFICIAL ARON SA TUYO NGA MAMONITOR GAYUD NIYA ANG PANGHITABO SA PROBINSYA.

GIKALIPAY SA GOBERNADORA ANG MAAYONG RESULTA SA GIHINGUSGAN NIYANG KAMPANYA SA PEACE AND ORDER GUMIKAN KAY SA KINATIBUK-AN, MALINAWON GAYUD ANG MISAMIS OCCIDENTAL.

APAN NIINING TALI-ABOT NA ANG PINILI-AY, WALA SIYA MAHIBALO KUN' UNSA ANG SANGPOTANAN NIINI SA UNAHAN GUMIKAN SA GAHOM SA POLITIKA. UG DILI NA KINI BAG-O SA PROBINSYA UG SA UBAN PANG MGA PROBINSYA SA NASUD GUMIKAN KAY NASINATI NA KINI SA PILA NA NGA MGA KATUIGAN.

KINI ANG HINUNGDAN NGA KINASINGKASING GAYUD NIYANG GIAWHAG ANG KATAWHAN NGA MOALAYON UG MOHIMO AKSYON ALANG SA GAWASNONG PAGPILI UG MALINAWONG ELEKSYON.

KUN' ADUNAY MAMATIKDAN SA MATAG DAPIT NGA DILI NA NORMAL ANG GIPANGHIMO, DILI MAGMAKULI UG MAGMAHADLOK SA PAGTAHO NIINI NGADTO SA KAPOLISAN UG KASUNDALOHAN ARON KINI MAAKSYONAN.

KUN' DISTANSYA KAAYO ANG MGA POLICE HEADQUARTERS SA USA KA BARANGAY, ANAA ANG HUT-ONG SA MGA BARANGAY PEACE KEEPING ACTION TEAM NGA ANDAM MOALAGAD NIINI.

==

KAGAMHANANG LOKAL SA TANGUB CITY NAGSAULOG SA ILANG 45TH CHARTER ANNIVERSARY

WALAY PALABYON NGA OKASYON SA KAGAMHANANG LOKAL SA DAKBAYAN SA TANGUB UG SA KATAWHAN NGA NANIMUYO NIINI MAGAMAY MAN O DAKU, GIHATAGAN GAYUD KINI NILA OG BILI.

USA NA NIINI ANG GIPAHIGAYON NGA PAGHINUMDUM UG PAGSAULOG SA IKA-45 NGA ANIBERSARYO SA PAGKAHIMONG SYUDAD SA TANGUB ADTONG PEBRERO 28.

HINUON DILI SUSAMA KABONGGA ANG SERYE SA MGA KALIHUKAN ATOL SA 45TH CHARTER ANNIVERSARY SA SYUDAD KUN' ITANDI SA KAPISTAHAN NGA SAULOGON MATAG SEPTEMBRE UG SA CHRISTMAS SYMBOL COMPETITION NGA IPAHIGAYON MATAG DISYEMBRE.

NAHIMONG MAKASAYSAYANON UG NAGMABULOKON GIHAPON ANG MAONG OKASYON GUMIKAN SA MADASIGONG PAGPANGULO NI MAYOR PHILIP TAN, PAGSUPORTA SA IYANG KAPIKAS NGA SI DR. JENNIFER WEE-TAN UG SA IYANG PAMILYA UG ANG WALAY PU-AS NGA KOOPERASYON SA TIBUOK KATAWHAN SA TANANG KAHIMOAN SA SYUDAD.

GIKAHINANGOP GIHAPON SA KATAWHAN UG MGA BISITANG MISAKSI GUMIKAN SA PINASAHE NGA MGA PROGRAMA ATOL SA ANIBERSARYO.

LABINA ANG FLASHLIGHT PARADE NGA UNANG NAHITABO SA SYUDAD SA KASAYSAYAN SA KASAULOGAN SA CHARTER ANNIVERSARY NGA PADAYONG GISUPORTAHAN SA LOKAL UG NASYONAL NGA MGA AHENSYA SA KAGAMHANAN, MGA ESTUDYANTE GIKAN SA PUBLIKO UG PRIBADONG TULONGHAAN, PRIBADONG SEKTOR UG MGA BARANGAY OFFICIAL GIKAN SA 55 KA MGA BARANGAY SA TANGUB.

NAGSUGOD ANG FLASHLIGHT PARADE GIKAN SA MAY CITY HALL UG GITAPOS SA GOVERNOR ALFONSO D. TAN COLLEGE SPORTS COMPLEX KON DIIN DIDTO USAB GIPAHIGAYON ANG PROPER PROGRAM.

GAWAS SA FLASHLIGHT PARADE PRESENTATION SA MGA GRUPONG MIAPIL, MIHIMO USAB SA ILANG REPEAT PERFORMANCE ANG CONTIGENT SA SINANDULOY DANCE TROUPE NGA BAG-OHAY PA LAMANG MIDAOG SA MGA MAJOR CATEGORY SA SINULOG FESTIVAL 2013 SA SUGBO UG ANG PAGKORONA SA 1^ST RUNNER UP HANGTUD SA 5^TH RUNNER UP UG ANG 45TH CHARTER QUEEN NGA SI IVY SANTUNA RUBIA.

GAWAS SA MGA LOCAL OFFICIAL SA TANGUB CITY PINANGULOHAN NI MAYOR PHILIP TAN, ANAA USAB ANG PRESENSYA NILA NI ATTY. RICARDO LUMANTAS ANG PROVINCIAL LEGAL OFFICER NGA MAOY REPRESENTANTE NI GOVERNOR HERMIE RAMIRO UG BOARD MEMBER EDWIN FLORIDA, REPRESENTANTE NI VICE GOVERNOR HENRY OAMINAL.

GIPROKLAMAR USAB NIANANG HIGAYONA ANG MGA PARTISIPANTE NGA NAKAKUHA SA SPECIAL AWARD SA FLASHLIGHT PARADE. THE BIGGEST NUMBER OF PARTISIPANTS, NAKUHA SA NORTH DISTRICT-DEPAERTMENT OF EDUCATION. MOST CREATIVE GROUP, NAKUHA SA NORTHWESTERN MINDANAO SCIENCE AND TECHNOLOGY COLLEGE KON NMSC. MOST COLORFUL NAKUHA SA TANGUB CITY NATIONAL HIGH SCHOOL. MOST LIVELY NAKUHA GIHAPON SA NMSC. SAMTANG SA MGA MAJOR PRICES, NAKUHA SA GADTC ANG THIRD PLACE. SECOND PLACE ANG TCNHS UG ANG FIRST PLACE MAO ANG NMSC.

NALINGAW USAB ANG MGA KAEGSUONANG MITAMBONG SA VARIETY SHOW NGA GIPASUNDAYAG SA MGA MIEMBRO SA SINANDULOY DANCE TROUPE, SINANDULOY CHORALE, TANGUB CITY MUSIC BAND UG ANG GIATANGANG FIRE WORKS DISPLAY

==

TUDELA  CENTRAL SCHOOL,  NATIONAL  CHAMPION  SA SCIENCE QUIZ  NGA  GIPAHIGAYON SA BAGUIO  CITY  BAG-OHAY  PA LAMANG.

DUGANG  GARBO  NA  USAB  SA  PROBINSYA  SA  MISAMIS  OCCIDENTAL,  DILI  LAMANG  SA  LUNGSOD  SA  TUDELA ANG  NAKAB-OT  NGA  KADAOGAN SA  MGA STUDYANTE SA  TUDELA  CENTRAL  SCHOOL,  UBAN  SA  ILANG  MGA  MAGTUTUDLO, TRAINORS, MGA  GINIKANAN,  KINSA  MIAPIL SA NATIONAL  SCIENCE  QUIZ DIDTO  SA  BAGUIO  CITY.

USA  SA  MGA  GISALMOTAN  NGA  PASUNDAYAG  SA  KINSE  KA  MGA  PUPILS SA TUDELA  CENTRAL  SCHOOL  MAO  ANG  TUGSAYAWIT,  KON TUGTUG, SAYAW  UG  AWIT,  NGA  ILANG GIHIMO  ANG SUBLING  PAGPASUNDAYAG SA MGA  KABATAAN ATOL  SA  ILANG  PAGSAULOG  SA BULAN  SA  GUGMA  ADTONG PEBRERO 28 DIDTO  MISMO  SA NASANGPIT  NGA TUNGHAAN.

GIPASABOT NI  SCHOOL  PRINCIPAL,  LUZVIMINDA TACTACON SA  TUDELA  CENTRAL  SCHOOL NGA  DAKO  KINING  GARBO ALANG  KANILA ANG  GIPAKITA  NGA  TALENTO  SA MGA KABATAAN, INGON  MAN  SA  TIBUOK  PROBINSYA SA  MISAMIS OCCIDENTAL SA  PAGPANGULO  NI  LAMANG  NGA  MAKAHATAG SILA  SA  ILANG  BEST NGA  PAGPASUNDAYAG ARON  ILANG  MAKAB-OT ANG TUMONG  NGA  ADUNA  SILAY  GOVERNOR  HERMIE RAMIRO, SANGLIT  PADAYON  MAN  KINING  NAGASUPORTA  SA  ILANG  MGA  KALIHUKAN.

GIDASON  PA  SA  PRINCIPAL  NGA , TALIWALA SA KAKULANGON SA PINANSYAL  NGA  PANGINAHANGLANON , IYANG GIDASIG  ANG  MGA  KABATAAN UBAN  SA  MGA  MAGTUTUDLO,  COACHES  O  MGA  TRAINORS,  NGA MANINGKAMOT  MADALA  NGA KADAOGAN.

GIDUGTONG  PA NI  TACTACON  NGA  DAKO  ANG  IYANG  PASALAMAT  SA  SUPORTA  SA MGA  KADAGKOAN  SA  MISAMIS  OCCIDENTAL  SA  PAGPANGUNA  NI  GOVERNOR  HERMIE  RAMIRO NGA MIGAHIN  UG  PINANSYAL  NGA  TABANG  ALANG  SA ILANG  MGA   KALIHUKAN  DIDTO  SA  KAULOHAN.

TM BALITA

FEB. 25-13

HEADLINES

USA KA-ADLAW NGA SERYE SA MGA KALIHUKAN GISAULOG SA KATAWHAN SA LUNGSOD SA CLARIN ATOL SA 93RD ARAW NG CLARIN

BAG-ONG RURAL HEALTH UNIT BUILDING SA LUNGSOD SA CLARIN GIINAGURAHAN

PANAG-TANDEM SA MGA BABAYENG KONSEHAL ISIP MAYOR UG VICE MAYOR GILAUMAN NGA MAS MOPALAMBO PA SA LUNGSOD SA CLARIN

KAHIUSAHAN SA MGA OPISYALES SA LUNGSOD SA PLARIDEL UG SA PROBINSYAL NGA PANGAGAMHANAN DALAN SA DAKONG KALAMBOAN SUMALA PA NI MAYOR AGNES VILLANUEVA

MGA MAGBABALAOD SA DISTRITO UNO MIPADAYAG SA MAPADAYUNONG SUPORTA SA MGA PROGRAMA UG PROYEKTO NI GOVERNOR HERMIE RAMIRO ALANG SA PADAYONG KALAMBOAN NIINI

KARUMATA PARADE AND CONTEST , NAKAPABIBO SA KASAULUGAN SA IKA-65 NGA ANIBERSARYO SA KAMUGANAAN  SA LUNGSOD SA CALAMBA

==

DETALYE:

USA KA-ADLAW NGA SERYE SA MGA KALIHUKAN GISAULOG SA KATAWHAN SA LUNGSOD SA CLARIN ATOL SA 93RD ARAW NG CLARIN

USA LAMANG KA ADLAW APAN MAS MAKALINGAW UG MAKATAGBAW NGA MGA KALIHUKAN UG SERBISYO ANG GIPAHIGAYON ATOL SA PAGSAULOG SA IKA-93 KATUIG NGA ARAW NG CLARIN, PEBRERO 21.

GISUGDAN ANG SERYE SA MGA KALIHUKAN HUMAN GIHIMO ANG FLORAL OFFERING SA BANTAYOG NI LATE SENATOR JOSE CLARIN NGA GIPANGULOHAN NI MAYOR DAVID NAVARRO, VICE MAYOR EMETERIO ROA, MGA SAKOP SA SANGGUNIANG BAYAN, LOKAL UG NASYONAL NGA MGA EMPLIYADO SA KAGAMHANANG LOKAL, BARANGAY OFFICIAL, MGA ORGANISASYON UG MGA MISAKSING KATAWHAN.

ANG PAGHALAD OG BULAK SA BANTAYOG NI LATE SENATOR JOSE CLARIN ATOL SA ARAW NG CLARIN, NAANDAN NA KINING TULOMANON SA MGA LOCAL OFFICIAL, ISIP PAG-ILA UG PAGHINUMDUM SA NAHIMONG PARTISIPASYON NI LATE SENATOR JOSE CLARIN SA PANINGKAMOT NIINI NGA ADUNAY KAUGALINGNAN NGA PANGAGAMHANAN ANG LUNGSOD NGA GIKUHA GAYUD SA IYANG PANGALAN.

SI SANGGUNIANG BAYAN SECRETARY SUSAN RAFANAN USAB ANG MISAYSAY SA HAMUBONG KASAYSAYAN GIKAN SA TRIBONG SUBANO NGA GAWASNON UG ORIHINAL NGA NANIMUYO SA MAONG DAPIT, HANGTUD NGA MISULOD ANG MGA KASTILA NIADTONG 17TH CENTURY UG GIDOMINAR SA MGA SPANIARDS ANG TIBUOK NASUD HANGTUD SA 18TH CENTURY.

HUMAN SA SPANISH COLONY, WALA PA NAHINGPIT ANG KAGAWASAN SA MGA PILIPINO HUMAN MIPULI ANG POWERSA SA MGA AMERIKANO.

SA MAONG ERA, NAGSUGOD NA ANG PAG-ESTABLISAR SA MGA MUNISIPALIDAD, HANGTUD NGA MIULBO ANG IKADUHANG GUBAT SA KALIBOTAN KON DIIN, GIOKUPAR NA USAB SA MGA HAPON ANG NASUD SULOD SA LIMA KATUIG.

PIPILA KATUIG ANG MILABAY HUMAN SA LIBERASYON, ADUNA NA USAY PIPILA KA BARANGAY ANG NAHIMONG MUNISIPALIDAD, ADUNAY MGA MUNISIPALIDAD NGA NAHIMONG SYUDAD, HANGTUD NGA NAHIMONG PROBINSYA ANG MISAMIS OCCIDENTAL NGA GILANGKOBAN SA TULO KA MGA SYUDAD UG NAPULO UG UPAT KA MGA LUNGSOD.

GISAYSAY USAB SA SEKRETARYA ANG MGA NAHIMONG OFFICIAL UG MIALAGAD SA CLARIN GIKAN NIADTONG 1921 HANGTUD NIINING KASAMTANGANG TUIG.

SAMTANG ANG PINAKAKARAAN NGA RESIDENTE SA MAONG LUNGSOD NGA SI RETIRED TEACHER-PEDRO CALUNA, ANG MISAYSAY USAB SA KINABUHI SA MGA LUMOLOPYO SA CLARIN NIADTONG WORLD WAR II NGA GIPAAGI PA NIYA OG AWIT.

==

BAG-ONG RURAL HEALTH UNIT BUILDING SA LUNGSOD SA CLARIN GIINAGURAHAN

GILAUMAN NGA MAS MOLAPAD PA ANG IHATAG NGA SERBISYONG PANGLAWAS ANG RURAL HEALTH UNIT LABINA NGADTO SA MGA RESIDENTE SA CLARIN.

KINI HUMAN GIPALAMBO SA KAGAMHANANG LOKAL ANG MAONG EDIPISYO PINAAGI USAB SA PAGHATAG OG PAGTAGAD SA DEPARTMENT OF HEALTH UG SA KAGAMHANANG PROBINSYAL SA MISAMIS OCCIDENTAL PINAAGI NI GOVERNOR HERMIE RAMIRO, VICE GOVERNOR HENRY OAMINAL UG MGA SAKOP SA SANGGUNIANG PANLALAWIGAN.

ANG PAGSUBO UG PAG-BLESSING SA BAG-ONG RURAL HEALTH UNIT BUILDING, USA LAMANG KINI SA MGA MAHINUNGDANONG KALIHUKAN ATOL SA PAGSAULOG SA 93RD ARAW NG CLARIN.

NAGLANGKOB NA NIINI FREE MEDICAL AND DENTAL SERVICES, DRUM CORPS EXHIBITION NGA GIAPILAN SA DEPED NORTH AND SOUTH PUPILS, LAUNCHING SA COMMUNITY DIGITAL LITERACY LEARNING CENTER, TURNOVER CEREMONY ROAD CONCRETING PROJECT NGA GIHATAG SA DEPARTMENT OF AGRICULTURE SA BARANGAY PAN-AY, KASALANAN NG BAYAN, MAIN EVENT PRESENTATIONS NGA GIAPILAN SA MGA ESTUDYANTE SA HIGH SCHOOL, HATAW NG KABATAAN NGA GIAPILAN GIHAPON SA MGA ESTUDYANTE SA HIGH SCHOOL GIKAN SA PUBLIKO UG PRIBADO, HATAW NG KABABAIHAN SA CLARIN NGA GIAPILAN SA LIBO-AN KA MGA KABABAYEN-AN GIKAN SA WOMEN'S ASSOCIATION SA MAONG LUNGSOD UG ANG GIATANGAN NGA LIVE BAND.

==

PANAG-TANDEM SA MGA BABAYENG KONSEHAL ISIP MAYOR UG VICE MAYOR GILAUMAN NGA MAS MOPALAMBO PA SA LUNGSOD SA CLARIN

POSITIBO SA IYANG PANGLANTAW SI LAST TERMER MAYOR DAVID NAVARRO NGA MAS MOHAPSAY UG MAS MOLAMBO PA ANG KAHIMTANG SA LUNGSOD SA CLARIN PARTIKULAR SA PEACE AND ORDER SITUATION UG ECONOMIC ACTIVITY KUN' MANAGSAMANG MGA BABAYE ANG MODALA SA RENDA SA PANGAGAMHANAN SA MAONG LUNGSOD.

GIHIMONG PANAG-INGNAN SA MAYOR ANG NAHITABO KARON SA PROBINSYA NGA NAGDASOK ANG NAHIMONG MGA PROYEKTO UG PROGRAMA NIINING ADMINISTRASYON NI GOVERNOR HERMIE RAMIRO DIIN USA KA BABAYE UG UNANG BABAYENG GOBERNADOR NGA MIALAGAD SA PROBINSYA SA KASAYSAYAN SA PANGAGAMHANAN SA MISAMIS OCCIDENTAL.

KINI DILI LAMANG NIINING HIGAYONA KON DILI NAHIMO UG NAPAMATUD-AN USAB KINI KANIADTO NGA SI GOVERNOR RAMIRO PA ANG KONGRESISTA SA IKADUHANG DISTRITO SA PROBINSYA SULOD SA UPAT KA TERMINO KON DIIN MINILYON NGA MGA INFRASTRUCTURE PROJECT ANG IYANG NAHIMO SA IKADUHANG DISTRITO.

GIKAN SA ROAD CONCRETING, SCHOOL BUILDING, SEA WALL AND FLOOD CONTROL PROJECT, HEALTH AND SOCIAL SERVICES, EDUCATIONAL PROGRAM, AGRICULTURAL AND ENVIRONMENTAL PROGRAM UG DAGHAN PANG UBAN.

KINI NGA KAHIMO-AN POSIBLE KINING MAHITABO SA IYANG LUNGSOD GUMIKAN SA PAGKABATAN-ON SA KASAMTANGANG PCL PRESIDENT ELSA FUENTES-NAVARRO ABTIK SA BISAN UNSANG NATAD SA PANERBISYO ISIP MAYOR UG SI KONSEHAL LORENG ROA NGA SA IYANG PANGIDARON, HANAS NA USAB SA MGA PROGRAMA NGA GIKINAHANGLAN SA KATAWHAN ISIP BISE MAYOR.

GIPADAYAG USAB NI VICE MAYOR EMETERIO "MEMENG" ROA NGA ANGAYAN LAMANG NGA BUGTI-AN OG MAAYONG SERBISYO ANG KATAWHAN SA LUNGSOD SA CLARIN GUMIKAN SA PAGKADESENTE UG PAGKAMAHIGUGMAON SA KALINAW SA MGA LUNGSORANON.

ANG LUNGSOD SA CLARIN GASA UG BAHANDI GIKAN SA KAHITAS-AN ALANG SA MGA TALAHURONG KATAWHAN SA MAONG LUNGSOD.

==

KAHIUSAHAN SA MGA OPISYALES SA LUNGSOD SA PLARIDEL UG SA PROBINSYAL NGA PANGAGAMHANAN DALAN SA DAKONG KALAMBOAN SUMALA PA NI MAYOR AGNES VILLANUEVA

DILI MAMAHIMONG MALAMBOON ANG LUNGSOD SA PLARIDEL KON DILI GUMIKAN SA KAHIUSAHAN SA KINATIBUK ANG MGA OPISYALES SA ILANG LUNGSOD UG SA MGA KADAGKOAN SA PROBINSYA SA PAGPANGULO NI GOVERNOR HERMIE RAMIRO, KINI SUMALA PA NI MAYOR AGNES VILLANUEVA.

GIPASABOT SA MAYOR NGA DILI MAMAHIMONG MALAMPUSON ANG TINGUHANG KALAMBOAN SA ILANG LUNGSOD KON WALA PA MAGPATIGBABAW ANG ILANG PANAGHIUSA  LUYO SA KAMATUURAN NGA DILI MANAGSAMA ANG BULOK SA PULITIKA NGA ILANG GIGIKANAN, APAN GUMIKAN SA TIUNAY NGA TINGUHA SA PAGSERBISYO ILANG GIPAKITA UG GIPABATI SA KATAWHAN ANG PANAGHIUSA NGA MAOY NAHIMONG DALAN SA DAGHANG KALAMBOAN KARON SA ILANG LUNGSOD.

MAPASIGARBUHON ANG MAYOR SA MGA PROYEKTO UG PROGRAMA NGA NAKAHATAG OG KALAMBOAN SA ILANG LUNGSOD SAMA SA MGA PROYEKTO SA INPRASTRAKTURA, LIVELIHOOD PROJECTS, SAMA SA  PROYEKTO SA PAGPROTEKTAR SA KINAIYAHAN NGA GIHIMO USAB NGA PANGINABUHIAN SA KATAWHAN ILABINA SA COASTAL AREAS SAMA SA MARINE SANCTUARY, PAGKATUKOD SA MUNICIPAL COVERED COURT, BAG-ONG BARANGAY MARKET SA BARANGAY UNIDOS, FISH SECTION SA IBJT UG UBAN PANG MGA PROYEKTO NGA HINGPIT NA KARONG GIPAHIMUSLAN SA KATAWHAN SA PLARIDEL.

SUBAY SA MGA PROGRAMA SA TURISMO NI GOVERNOR RAMIRO, GIPASIGARBO USAB NI VILLANUEVA ANG PAGLAMBO SA TURISMO UG SA MGA OTOP DELICACIES SA IYANG LUNGSOD NGA NAHIMONG TULAY USAB NGA MAPAILA ANG LUNGSOD SA PLARIDEL NGADTO SA LAING DAPIT, PINAAGI  SA KALAMI SA ILANG MGA DELICACIES SA CHOCOLATE MORON,  PAN BISAYA UG CARROT CAKE.

ANAA USAB ANG ILANG BAG-ONG TOURIST DESTINATION  AND ATTRACTION NGA BAOBAON  WHITE SAND ISLAND NGA SA DILI MADUGAY PAGABUKSAN ARON MAKAHATAG OG LINGAW SA MAHILIG SA PAGLINGAW-LINGAW DIHA SA KINAIYAHAN UG PAG-ADVENTURE SA PAGPAKAON SA MGA ISDA SA SANCTUARY  NGA ANAA USAB NAHIMUTANG DUOL SA NASANGPIT NGA ISLA.

SUBAY NIINI, GILAUMAN SA MAYOR NGA SA GIHAPON HINIUSANG BULIGAN PA ANG IYANG ADMINISTRASYON SA KATAWHAN SA LUNGSOD SA PLARIDEL  ARON MAPADAYON ANG KALAMBOAN SA MAONG MGA PROGRAMA UG PROYEKTO SA UMAABOT PANG MGA KATUIGAN.

===

MGA MAGBABALAOD SA DISTRITO UNO MIPADAYAG SA MAPADAYUNONG SUPORTA SA MGA PROGRAMA UG PROYEKTO NI GOVERNOR HERMIE RAMIRO ALANG SA PADAYONG KALAMBOAN NIINI

PASPAS ANG DIS OG SA MGA PROGRAMA UG PROYEKTO SA PANGAGAMHANAN NI GOVERNOR HERMIE RAMIRO UBOS SA IYANG FLAGSHIP PROGRAM NGA GO! HERMIE.

NASAKSIHAN UG NASINATI NA SA KINABAG ANG MISAMISNON  SA TIBOOK PROBINSYA ANG  MAONG MGA PROYEKTO UG PROGRAMA NGA DIIN NAKAHATAG OG DAKONG TABANG UG KALAMBOAN SA PANGINABUHI, EDUKASYON, KAHIMSOG SA PANGLAWAS SA MGA MISAMISNON UG UBAN PA.

KINI NGA KALAMBOAN DILI MAPADALI UG MAPASAYON KON WALA USAB ANG MAHIUSAHON UG HUGTANONG SUPORTA SA IYANG MGA KAUBAN SA ADMINISTRASYON, SAMA SA MGA KAPITANES, MGA MAYORES UG LABAW SA TANAN SA MGA BOARD MEMBERS SA DUHA KA MGA DISTRITO SA PROBINSYA SA MISAMIS OCCIDENTAL  UBOS SA PAGPANGULO NI VICE-GOVERNOR HENRY OAMINAL .

SA KANUNAY GIPADAYAG SA MGA MAGBABALAOD NGA ANAA GAYOD SILA SA LUYO SA GOBERNADORA ARON SA PAGSUPORTA SA MGA PROYEKTO UG PROGRAMA NIINI NGA MAGHATAG UG KALAMBOAN DILI LANG SA KATAWHAN KON DILI SA TIBOOK PROBINSYA.

GIPAKLARO SA MGA MAGBABALAOD NGA GUMIKAN KAY ILANG NAKITA NGA ANG GOBERNADORA NAGLANTAW GAYOD SA KAAYUHAN SA KINABAG-AN HINUNGDAN NGA DILI GAYOD SILA MAGMAKULI SA PAGSUPORTA  SA MGA PROGRAMA NIINI, USA NA ANG  PROGRAMA SA PANGLAWAS NGA PAGHATOD SA MGA MEDICAL AND DENTAL OUTREACH MISSION  SA KABARANGAYAN NGA ILA GAYOD KINING GIKUYO-KUYUGAN ARON USAB ILANG MAKITA ANG KAHIMTANG SA KATAWHAN SA MATAG BARANGAY NGA PAGABISITAHAN SA GOBERNADORA SA TUYO NGA MAKITA USAB NILA ANG SITWASYON SA O PANGINAHANGLANON SA MATAG BARANGAY ARON MAS MAPASAYON UG MAPADALI USAB ANG ILANG PAG-APROBA SA MGA IPADANGAT NGA REQUEST NIINI SA BUHATAN NI GOVERNOR RAMIRO UG USAB SA ILANG BUHATAN SA SANGGUNIANG PANLALAWIGAN.

MALAUMON USAB ANG MGA MAGBALALAOD NGA MAGPADAYON ANG PAGSUPORTA SA KATAWHAN SA PANGAGAMHANAN NI GOVERNOR HERMIE RAMIRO ARON MAGPADAYON ANG PAGHATOD SA MGA PROYEKTO UG PROGRAMA SA TIBOOK PROBINSYA NGA MAGHATAG OG KALAMBOAN SA KATAWHANG MISAMISNON.

===

KARUMATA PARADE AND CONTEST, NAKAPABIBO SA KASAULUGAN SA IKA-65 NGA ANIBERSARYO SA KAMUGANAAN  SA LUNGSOD SA CALAMBA

 ARON DILI MAKALIMTAN SA BAG-ONG HENERASYON ANG MGA TARDISYONAL NGA PAMAAGI SA PAGPAKABUHI SA MGA LUMAD SA LUNGSOD SA CALAMBA, USA NA NIINI ANG MGA PAMAAGI SA PAGBYAHE SA MGA PRODUKTO SA MATAG BARANGAY NGADTO SA LUNGSOD, HINUNGDAN NGA GIPAHIGAYON SA LOKAL NGA PANGAGAMHANAN SA LUNGSOD SA CALAMBA ANG USA KA KARUMATA PARADE  AND CONTEST ATOL SA ILANG PAGSAULOG SA IKA-65 NGA ANIBERSARYO SA KAMUGNAAN SA NASANGPIT NGA LOKALIDAD.

SUMALA PA NI CALAMBA ABC PRESIDENT EZEL VILLANUEVA NGA USA SA PINAKABIBO NGA KALIHUKAN NGA NAPAHIGAYON ATOL SA MAONG OKASYON MAO ANG PINAKAUNANG PAGPAHIGAYON SA KARUMATA PARADE NGA GISALMOTAN SA 30 KA MGA REPRESENTANTE SA MATAG BARANGAY SA LUNGSOD SA CALAMBA.

DILI LANG USAB KAY ORDINARYO LANG KINI NGA PARADE KON DILI GIPAAGI USAB KINI SA PACONTEST, PAGWAPUHAY SA MGA INDIGENOUS NGA DEKORASYON SA KARUMATA UG GI-SHOWCASE USAB NIINI ANG  MGA PRODUKTO SA MATAG BARANGAY.

GIPAKLARO USAB NI VILLANUEVA NGA SA TIBOOK PROBINSYA ANG CALAMBA PA LAMANG ANG UNANG NAKAPAHIGAYON SA MAONG PARADA.

ATOL SA MAONG PARADA, DAW NABANHAW ANG KARAANG TRADISYON SA MGA LUMADNONG CALAMBAHANON SA ILANG PAAGI SA PAGBYAHE UG PAGDALA SA MGA PRODUKTO NGADTO SA MERKADO.

SA SAMANG HIGAYON NASAKSIHAN, NASINATI UG NAKUMPARA SA BAG-ONG HENERASYON ANG KALAINAN SA PAMAAGI SA PAGBYAHE SA KANHING PANAHON UG SA PAGKAKARON.

PINAAGI USAB NIINI, NAEDUKAR ANG KABATAAN SA PAGHATAG OG DAKONG BILI SA MGA TRADISYONAL NGA PAAGI SA PAGPAKABUHI SA MATAG HENERASYON.