DRUG
PUSHER NGA NASIKOP SA PACT NASINTENSYAHAN NA
Oroquieta
City - Nagmalampuson na usab ang Provincial Anti-Crime Team (PACT) sa
paningkamot nga mataral ug mahukman sa hukmanan ang mga tawong
naghupot ur nagpayuhot sa guinadiling droga human gipakanaog ang hukom
ni Judge Bernadette P. Encinareal sa RTC-Branch 12, Oroquieta
City batok kang Esterlinda Serino y Cagas sa kasong Violation of
Section 11 of RA 9165 kun ang paghupot sa Guinadiling Droga.
Kahinumduman
nga si Esterlinda Serino taga Talairon, Oroquieta City, nasikop
sa mga operatiba sa PACT didto sa may Checkpoint sa Pines, Oroquieta
City kaniadtong Setyembre 2, 2003 sa may 7:30 sa gabii human nadawat
sa PACT ang intelligence report nga siya (Erlinda Serino) nipalit ug
shabu sa Ozamiz City aron iyang dad-on sa Oroquieta City. Si
Erlinda sakay sa usa ka dipasayrong van diin didto niya gisulod sa usa
ka Chippy bag ang pinutos nga shabu upat (4) ka dagku ug tulo (3) ka
gagmayng sachet. Nakuha usab gikan sa posisyon ni Esterlinda ang
17 ka dagkong cellophane ug 16 ka gagmayng cellophane.
Nigawas sa
laboratory examination nga ang powder nga sulod sa nasangpit nga mga
sachet positibo sa Methamphetamine hydrochloride kun shabu ug kini
motimbang sa 8.2717 grams.
Gumikan sa
maong mga ebidensya, si Erlinda nahukman sa korte nga mabilanggo sulod
sa biente (20) ka tuig ug usa (1) ka adlaw ngadto sa
pagkabilanggo sa tibuok kinabuhi. Si Erlinda gimanduan usab sa
korte sa pagbayad sa fine nga Four Hundred Thousand Pesos (P400,000.00).
Lakip usab sa silot ni Esterlinda mao ang pagkadiskwalipikar nya sa
pag-exercise sa civil rights such as but not limited to,the rights
of parental authority or guardianship, either as to the person or
property of any ward, the rights to dispose of such property by any
act or any conveyance inter vivos, and political rights such as but
not limited to, the right to vote and be voted for.
Provincial Information Office
Capitol, Oroquieta City
